ភ្នំពេញ: លោក សម រង្ស៊ី ប្រធានគណបក្សសង្គ្រោះជាតិបានសរសេរលិខិតមួយច្បាប់ទៅកាន់អគ្គលេខាធិការអង្គការសហប្រជាជាតិ ដោយស្នើអោយ បញ្ជូនអ្នកជំនាញជាអ្នកសង្កេតការណ៍នៅក្នុងការបង្កើត គណៈកម្មការចម្រុះមួយ ដើម្បីវាយតម្លៃ ទៅលើភាពត្រឹមត្រូវនៃ លទ្ធផលបោះឆ្នោត។
នៅក្នុងលិខិតនោះមិនបានអញ្ជើញតំណាងសហប្រជាជាតិអោយមកធ្វើជាអាជ្ញាកណ្តាលដូចដែលគាត់បានធ្វើការទាមទារ កន្លងមកនោះទេ។ រគាត់គ្រាន់តែអោយសហប្រជាតិបញ្ជូនអ្នកជំនាញចូលរួមក្នុងនាមជាអ្នកសង្កេតការណ៍ (observers) ប៉ុណ្ណោះ។
នៅក្នុងលិខិតផ្ញើជូនលោក បាន គីមួន អគ្គលេខាធិការសហប្រជាជាតិចុះថ្ងៃទី៥ខែសីហា លោក សម រង្ស៊ី បាននិយាយថា “ខ្ញុំសរសេរនេះដើម្បីសំណូមពរ ដល់អង្គការសហប្រជាតិក្រោមការដឹកនាំរបស់ឯកឧត្តម បញ្ជូនអ្នកជំនាញម្នាក់ឬច្រើននាក់ធ្វើជាអ្នកសង្កេតការណ៍នៅក្នុងដំណើរការមួយដែលនឹងប្រកាន់យក ដោយគណៈកម្មការចម្រុះ ដើម្បីវាយតម្លៃ សុពលភាពនៃលទ្ធផលនៃការបោះឆ្នោតជាតិនៅក្នុងព្រះរាជាណាចក្រកម្ពុជា ដូចដែលបានផ្សព្វផ្សាយ ដោយគណៈកម្មាធិការជាតិរៀបចំការបោះឆ្នោត”។
បើយោងតាមលិខិតនោះ លោក សម រង្ស៊ី បានលើកហេតុផលថាមានភាពមិនប្រក្រតីជាច្រើនដែលលោក ជឿថា វានឹងធ្វើអោយប៉ះពាល់ដល់លទ្ធផលនៃការបោះឆ្នោត។
ប៉ុន្តែលោក មិនបាននិយាយលម្អិតអំពីភាពមិនប្រក្រតីនៅក្នុងលិខិតនោះទេ។
កន្លងមកលោក សម រង្ស៊ី ទាមទារបង្កើតគណកម្មាការចម្រុះមួយដែលមានសមាសភាពមកពីគណបក្សនយោបាយ ជាប់ឆ្នោត តំណាងអង្គការសង្គមស៊ីវិលជាតិនិងអន្តរជាតិ ហើយតំណាងសហប្រជាជាជាតិធ្វើជាអាជ្ញាកណ្តាល ចំណែកតំណាងខាងគណៈកម្មាធិការជាតិរៀបចំការបោះឆ្នោតធ្វើជាអ្នកសម្របសម្រួល។
គណៈកម្មាធិការជាតិរៀបចំការបោះឆ្នោតកន្លងមកបានបដិសេធការបង្កើតគណៈកម្មការចម្រុះមួយដែលមានសមាសភាពតាមការស្នើសុំរបស់លោក សម រង្ស៊ី ដោយនិយាយថាវាហួសពី់គសមត្ថកិច្ចរបស់គណៈកម្មាធិការជាតិរៀបចំការបោះឆ្នោត៕
ប្រភពពី CEN
Read more: http://www.cambodiapage.info/
0 comments:
Post a Comment