ភ្នំពេញ ៖ រហូតមកដល់ពេលនេះ ករណីឃាតកម្មសម្លាប់បុរសជនជាតិចិន ២រូប ហើយដឹកសាកសពតាមរថយន្ដ យកមកទម្លាក់ចោលនៅច្រាំងទន្លេសាប ក្នុងខណ្ឌឫស្សីកែវ នៅមិនទាន់មានពន្លឺទេ ហើយសមត្ថកិច្ចកំពុងតែដុតដៃដុតជើង ស្រាវជ្រាវក្នុងករណីឃាតកម្មដ៏អាថ៌ កំបាំងនេះ ។
ប្រជាពលរដ្ឋបានប្រទះឃើញសាក សពបុរសជនជាតិចិនទាំង២នាក់នេះនៅ ច្រាំងទន្លេសាប វេលាម៉ោង៩ព្រឹកថ្ងៃទី២៦ ខែឧសភា ឆ្នាំ២០១៣ រួចក៏រាយការណ៍ ទៅកាន់សមត្ថកិច្ចមូលដ្ឋាន ទើបធ្វើឱ្យ មានការភ្ញាក់ផ្អើលដល់ប្រជាពលរដ្ឋនាំ គ្នាមកចោមរោមមើល ។ ទីតាំងសពជន រងគ្រោះដែលត្រូវបានជនមិនស្គាល់មុខ វាយសម្លាប់ រួចដឹកតាមរថយន្ដមក ទម្លាក់ចោលយ៉ាងអាណោចអាធ័មនេះ គឺស្ថិតនៅក្នុងភូមិដើមគ សង្កាត់ព្រែក តាសេក ព្រំប្រទល់ជាមួយសង្កាត់ជ្រោយ ចង្វា ខណ្ឌឫស្សីកែវ ដែលមានចម្ងាយពី ស្ពានជ្រោយចង្វាជាង២គីឡូម៉ែត្រ ។
ជនរងគ្រោះទាំង២នាក់ពុំទាន់ត្រូវបាន គេស្គាល់អត្ដសញ្ញាណនៅឡើយទេ ដោយ ក្នុងនោះបុរសម្នាក់មានអាយុជាង៤០ឆ្នាំ សក់ល្បាយអាចម៍ខ្លា ស្លៀកខោជើងវែង ពណ៌ខ្មៅ ពាក់អាវដៃខ្លីក្រឡាការ៉ូ និង ម្នាក់ទៀតមានអាយុជាង៣០ឆ្នាំ សក់ខ្លី ស្លៀកខោខូវប៊យជើងវែង ពាក់អាវដៃខ្លី ក្រឡាឆ្នូត រាងសមាឌធំ ។
តាមការពិនិត្យរបស់សមត្ថកិច្ចជំនាញ បានសន្និដ្ឋានជំហានដំបូងថា ជនរងគ្រោះ ទាំង២នាក់ខាងលើនេះជាបុរសជនជាតិ ចិន តែអ្វីដែលធ្វើឱ្យសមត្ថកិច្ចពិបាក ក្នុងការស្រាវជ្រាវនិងស្វែងរកចាប់ឃាតក ដៃដល់នោះ គឺនៅលើខ្លួនប្រាណជនរង គ្រោះគ្មានបន្សល់ទុកអ្វីក្រៅពីស្លាកស្នាម វាយដំពីសំណាក់ជនល្មើសឡើយ ។ ជន រងគ្រោះត្រូវបានជនល្មើសអូសចេញពី ក្នុងរថយន្ដ រួចលើកទម្លាក់ពីច្រាំងទន្លេ ចូលទៅក្នុងទឹក ដែលមានចំណោទជាង ១០ម៉ែត្រ ។
មន្ដ្រីនគរបាលមូលដ្ឋានបានឱ្យដឹងថា មុនពេលភ្ញាក់ផ្អើលប្រទះឃើញសាកសព ទាំង២នាក់ខាងលើនេះ គឺមានប្រជាពល រដ្ឋក្នុងភូមិបានដើរកាត់ក្បែរកន្លែងកើត ហេតុ រួចក៏ប្រទះឃើញសាកសពជនរង គ្រោះទាំង២នាក់ស្លាប់ជិតគ្នា ដោយម្នាក់ ស្លាប់ផ្កាប់មុខ និងម្នាក់ទៀតផ្ងារមុខ ជាប់នឹងច្រាំងទន្លេសាប ហើយក៏រត់ទៅ ប្រាប់ប្រជាពលរដ្ឋដែលធ្វើចម្ការដាំ ដំណាំនៅជិតនោះឱ្យដឹង និងរាយការណ៍ ទៅកាន់នគរបាលមូលដ្ឋានឱ្យជ្រាបពី ព័ត៌មាននេះ ។
ចំពោះករណីឃាតកម្មដ៏អាថ៌កំបាំង ទៅលើជនជាតិចិន២នាក់ខាងលើនេះ គេ ពុំដឹងថា ជនរងគ្រោះត្រូវបានឃាតក វាយសម្លាប់និងធ្វើបាបនៅម្ដុំណាឡើយ ហើយក៏ដឹកយកសាកសពមកទម្លាក់ ចោលនៅក្នុងអាណាចក្រខណ្ឌឫស្សីកែវ ។ ប៉ុន្ដែបើតាមសាក្សីក្នុងភូមិម្នាក់ដែល ចូលទៅបំភ្លឺប្រាប់សមត្ថកិច្ចឱ្យដឹងថា នៅវេលាម៉ោង២និង៣០នាទីរំលងអធ្រាត្រ ឈានចូលថ្ងៃទី២៦ ខែឧសភា ឆ្នាំ២០១៣ ខណៈរូបគេត្រឡប់មកពីធ្វើការដោយជិះ កង់ ក៏បានប្រទះឃើញរថយន្ដប្រភេទ ទេសចរណ៍១២កៅអី១គ្រឿងពណ៌ស តែ មិនឃើញស្លាកលេខនោះឡើយឈប់ ចតក្បែរច្រាំងទន្លេ ហើយមានមនុស្ស ៤-៥នាក់បិទម៉ាស់មុខ តែរូបគេមិនចាំ អារម្មណ៍ទៅលើបញ្ហានោះឡើយ ។ លុះ ព្រឹកឡើងឈានចូលថ្ងៃទី២៦ ខែឧសភា ដដែល ស្រាប់តែមានការភ្ញាក់ផ្អើលពី ប្រជាពលរដ្ឋថាមានសាកសពមនុស្ស២ នាក់នៅជាប់ច្រាំងទន្លេ ទើបដឹងថា រថយន្ដ ១គ្រឿងដែលរូបប្រទះនោះ គឺជារថយន្ដ ដឹកសាកសពជនរងគ្រោះមកទម្លាក់ ចោល ។
ចំពោះករណីឃាតកម្មសម្លាប់ជន ជាតិចិនទាំង២នាក់ដ៏អាថ៌កំបាំងនេះមាន ប្រភពព័ត៌មានជាច្រើនដែលអះអាង ខុសៗគ្នា ដោយខ្លះលើកឡើងថា ការ សម្លាប់ជនរងគ្រោះអាចជាករណីពាល ស៊ីពាល ហើយខ្លះទៀតអាចជាការសម្លាប់ ជនរងគ្រោះព្រោះជនដៃដល់ជាមនុស្ស ស្គាល់គ្នា តែរឿងនេះគេពុំទាន់ដឹងពិត ប្រាកដថា រវាងជនរងគ្រោះនឹងជនដៃ ដល់មានគំនុំគុំកួនអ្វីនឹងគ្នានោះទេ ។
ប្រភព ពី cambodiapage.info
0 comments:
Post a Comment