ភ្នំពេញ៖ចៅក្រមសាលាដំបូងរាជធានីភ្នំពេញ លោក សេង នាង នៅព្រឹកថ្ងៃទី២៧ឧសភា ២០១៣នេះ បានសម្រេចផ្តន្ទាទោសលោក ឧត្តម ឆវិន ដាក់ពន្ធនាគារ៣ឆ្នាំ ៦ខែ និងបង្គាប់ឲ្យសងជម្ងឺចិត្តជនរងគ្រោះ ៤០លានរៀល ពីបទប្រើប្រាស់អាវុធខុសច្បាប់ និង បំផ្លិចបំផ្លាញទ្រព្យសម្បត្តិអ្នកដទៃ ។
ជាមួយគ្នានេះដែរក្នុងសំណុំរឿងកូនប្រុសលោកឧកញ៉ា ដួង ងៀប គឺ ឈ្មោះ ដួង គឹមឡុង ដាក់ពន្ធនាគារ ៥ខែ ប៉ុន្តែព្យួរទោស ពីបទប្រើប្រាស់អាវុធខុសច្បាប់ ។
សូមរំលឹកថា៖កូនប្រុសរបស់លោកឧកញ៉ា ឌួង ងៀប ឈ្មោះឌួង ឆាយ ជាបង និងឈ្មោះឌួង គឹមឡុង ជាប្អូន រួមជាមួយអង្គរក្សបក្សពួក២-៣នាក់ទៀត បានវាយធ្វើបាបយុវជនមួយក្រុមទៀត ដោយសេរី ព្រោះតែខឹងនឹងគេសប្បាយជួបជុំញាតិមិត្ត ក្នុងឱកាសចូលឆ្នាំថ្មី កាលពីរាត្រីរំលងអធ្រាត្រឈានចូលថ្ងៃទី១៣ មេសា ២០១៣ ស្ថិតនៅក្នុងហាងមួយមានយីហោហ្គេឡាង ឡារ៉ង់ តាមបណ្តោយផ្លូវលេខ៦៣ សង្កាត់បឹងកេងកង១ ខណ្ឌចំការមន ។ដោយ សំអាត
ប្រពភ ABC +
0 comments:
Post a Comment