ភ្នំពេញ: នៅថ្ងៃទី៥ ខែសីហា ឆ្នាំ២០១៣ គជប បានទទួលសម្ភារ ឯកសារបោះឆ្នោត ពីគណៈកម្មការរាជធានី ខេត្តរៀបចំការបោះឆ្នោត ទាំង ២៤។ ចំណែកការត្រួតពិនិត្យលទ្ធផលឡើងវិញ ត្រូវបានធ្វើឡើង តាំងពីថ្ងៃទី៣ ខែសីហា ឆ្នាំ២០១៣ ហើយមកដល់ថ្ងៃទី៥ ខែសីហា ឆ្នាំ២០១៣ គជបត្រួតពិនិត្យផ្ទៀងផ្ទាត់លទ្ធផល ជិតចប់ហើយ នៅសល់តែពីរខេត្តប៉ុណ្ណោះ។
សេចក្តីប្រកាសរបស់គជប នៅល្ងាចថ្ងៃទី៥ ខែសីហា ឆ្នាំ២០១៣ បង្ហាញថា ក្រុមត្រួតពិនិត្យរបស់ គជប បានពិនិត្យលទ្ធផល ដោយបានបើកកញ្ចប់ “ឃពិសេស” ត្រួតពិនិត្យរួចបានចំនួន ២២ រាជធានីខេត្ត ហើយនៅសល់តែពីរខេត្តទៀតប៉ុណ្ណោះ ដែលពុំទាន់បើកកញ្ចប់ត្រួតពិនិត្យ គឺខេត្តបាត់ដំបង និងខេត្តបន្ទាយមានជ័យ។
សេចក្តីប្រកាសដដែល បង្ហាញថា តំណាងគណបក្សនយោបាយ និងអ្នកសង្កេតការណ៍បោះឆ្នោត ដែលចូលរួមពិនិត្យ និងសង្កេតមើល រួមមាន៖ តំណាងគណបក្សប្រជាជនកម្ពុជា តំណាងអង្គការនិកហ្វិក អង្គការអរុណរះ អង្គការសមាគមគ្រួសារអភិវឌ្ឍន៍ សមាគមបញ្ញាវ័ន្ត និងយុវជនស្ម័គ្រចិត្ត វិទ្យាស្ថានពលរដ្ឋវិជ្ជា និងវេទិកាប្រជាពលរដ្ឋ ស្តីពី កម្ពុជានៅជប៉ុន៕
ប្រភពពី CEN
Read more:http://www.cambodiapage.info/
0 comments:
Post a Comment