រាជធានីភ្នំពេញ ៖ រថយន្តកាមរីឆ្លាមមួយគ្រឿង បានបើកយ៉ាងលឿនបុកដើមពោធិ៍ បណ្ដាលឲ្យខ្ទេចមួយកំណាត់មុខ កាលពីវេលាម៉ោង១២ និង៤០នាទី ត្រង់ចំណុចផ្លូវព្រះមុនីវង្ស ប្រសព្វ នឹងផ្លូវលេខ៨៨ ក្នុងសង្កាត់ស្រះចកខណ្ឌូដូនពេញ ។ សាក្សីបាននិយាយថា គេឃើញរថយន្តកាមរីឆ្លាមពណ៌ស មួយគ្រឿង ពាក់ស្លាកលេខ ភ្នំពេញ 2K 6745 បើកបរដោយបុរសម្នាក់ក្នុងទិសដៅពីត្បូងទៅជើង តាមបណ្ដោយផ្លូវព្រះមុនីវង្ស លុះទៅដល់ចំណុចផ្លូវកែងលេខ៨៨ ក៏ជ្រុលទៅបុកដើមពោធិ៍ ពេញទំហឹងតែម្ដង បណ្ដាលឲ្យរថយន្តផ្ទុះពោងសុវត្ថិភាពខ្ទេចមួយកំណាត់មុខ កល់ជាប់នឹងដើមពោធិ៍ទៅមុខលែងរួច តែមិនបណ្ដាលឲ្យអ្នកបើកបររងរបួសទេ ។
ក្រោយកើតហេតុ អ្នកបើកបរបានបើកទ្វារឡើងជិះម៉ូតូគេចខ្លួនបាត់ ដោយបន្សល់ទុករថយន្តនៅកន្លែងកើតហេតុ ហើយត្រូវបានសមត្ថកិច្ចចុះមកវាស់វែង អូសយកទីរក្សាទុក នៅការិយាល័យចរាចរណ៏ជើងគោករាជធានីភ្នំពេញ ដើម្បីរង់ចាំធ្វើការដោះស្រាយពេលក្រោយ ៕
ប្រភពពី វាលឥន្ទ្រិយ
Read more: http://www.cambodiapage.info/kh/
0 comments:
Post a Comment