ភ្នំពេញ ៖ រថយន្តសាមុយរបស់ពហុព្យាបាលនិងសម្ភពថ្នល់ទទឹងមួយគ្រឿងបានបើកដឹកបុរសម្នាក់រងរបួស ធ្ងន់ ដោយសារគ្រោះថ្នាក់ចរាចរពីថ្នល់ទទឹង ខេត្តកំពង់ស្ពឺ ដើម្បីនាំយកទៅជួយសង្គ្រោះនៅមន្ទីរពេទ្យកាល់ម៉ែត ខណៈដែល អ្នកបើកបររថយន្តសាមុយមកដល់ផ្លូវសហព័ន្ធរុស្សីបានបុកម៉ូតូម៉ាកសេ១២៥ មួយគ្រឿងទៀតបណ្ដាលឲ្យបុរសម្នាក់រងរបួសធ្ងន់ ហើយអ្នកបើកបរបានដាក់មេប្រូចបាត់ស្រមោល។
ហេតុការណ៍ដ៏កម្រនេះ បានកើតឡើងកាលពីវេលាម៉ោង១២និង១០នាទីរំលងអធ្រាត្រ ឈានចូលថ្ងៃទី២០ ខែសីហា ឆ្នាំ២០១៣ នៅតាមបណ្ដោយផ្លូវសហព័ន្ធរុស្ស៊ី ក្នុងសង្កាត់មិត្តភាពខណ្ឌ៧មករា (ម្តុំក្ដាន់២)។
បើតាមសាក្សីឃើញផ្ទាល់ភ្នែកបានឲ្យដឹងថាមុនពេលកើត ហេតុ គេឃើញរថយន្តសាមុយរបស់ពហុព្យាបាលនិងសម្ភព ថ្នល់ទទឹង ពណ៌ស ពាក់ស្លាកលេខ កណ្ដាល2A-7185 បើកតាមទិសដៅពីលិចទៅកើត ក្នុងគោលបំណងយកអ្នករងបួសដោយគ្រោះថ្នាក់ចរាចរ ម្នាក់ពីថ្នល់ទទឹង ទៅសង្គ្រោះនៅមន្ទីរពេទ្យកាល់ម៉ែត។ ខណៈមកដល់ ចំណុចកើតហេតុ ចៃដន្យក៏បានបុកជាមួយម៉ូតូសេ១២៥ពណ៌ខ្មៅមួយគ្រឿង ពាក់ស្លាកលេខភ្នំពេញ 1F-2748 បើកបរដោយយុវជនម្នាក់ចំពីមុខពេញទំហឹងបណ្ដាលឲ្យរងរបួសធ្ងន់ ចំណែកម៉ូតូខ្ទេចស្ទើរតែទាំងស្រុង។ រីឯតៃកុងរថយន្តសាមុយឃើញបែបមិនស្រួលក៏រត់គេចខ្លួនបាត់ស្រមោលតែម្តងបន្សល់ទុករថយន្តនិងអ្នករបួសទាំងមុននិងក្រោយ២នាក់នៅកន្លែងកើតហេតុ ។ ក្រោយមកសមត្ថកិច្ចបានហៅរថយន្តសង្គ្រោះរបស់គ្លីនិក
ឯកជនគឹមសុង ទៅសាង ដឹកជនរងគ្រោះទាំងពីរ ទៅកាន់មន្ទីរពេទ្យកាល់ម៉ែតបន្តទៀត។
ឯកជនគឹមសុង ទៅសាង ដឹកជនរងគ្រោះទាំងពីរ ទៅកាន់មន្ទីរពេទ្យកាល់ម៉ែតបន្តទៀត។
បន្ទាប់ពីបញ្ជូនជនរងគ្រោះទៅមន្ទីរពេទ្យនគរបាលបានចុះទៅវាស់វែង នាំយកម៉ូតូ និងរថយន្តបង្កទៅរក្សាទុកនៅអធិការដ្ឋានខណ្ឌ៧មករា ដើម្បីធ្វើការដោះស្រាយពេលក្រោយ។
នរគបាលនិយាយថាគ្រោះថ្នាក់ចរាចរនេះគឺបណ្តាលមកពីរថយន្តសាមុយបើកបរក្នុងល្បឿនលឿន ខ្វះការប្រុង ប្រយ័ត្ន អាងតែរថយន្តសាមុយមានសឺរ៉ែនស្រែក បើអ្នកណាឮគេចទាន់ៗអ្នកគេចមិនទាន់គឺបុកបែបនេះឯង៕
ប្រភពពី Village of Wonder.
Read more: http://www.cambodiapage.info/?p=11200#ixzz2cUtd21TY
0 comments:
Post a Comment