ក្នុងសិក្ខាសាលាស្តីពីដំណោះស្រាយបច្ចេកទេសចំពោះភាពមិនប្រក្រតីនៃការបោះឆ្នោត នៅព្រឹកថ្ងៃទី១៨ សីហានេះ ប្រធានគណកប្សសង្គ្រោះជាតិ លោក សម រង្ស៊ី បានអំពាវនាវឱ្យគណបក្សកាន់អំណាចរបស់លោក នាយករដ្ឋមន្ត្រី ហ៊ុន សែន បន្តការចរចារស្តីពីដំណោះស្រាយនៃភាពមិនប្រក្រតីនៃការបោះឆ្នោត។ ការអំពាវនាវនេះត្រូវបានធ្វើឡើង បន្ទាប់ពីភាគីនៃគណកប្សឈ្នះឆ្នោតក្នុងសភាទាំងពីរបានបែខ្នងដាក់គ្នា។
ប្រធានគណកប្សសង្គ្រោះជាតិ លោក សម រង្ស៊ី បានអំពាវនាវយ៉ាងទទួចឱ្យគណបក្សប្រជាជនកម្ពុជា បន្តការចរចារឡើងវិញ ដើម្បីដោះស្រាយភាពមិនប្រក្រតីនៃការបោះឆ្នោត។ ភាពមិនប្រក្រតីដែលជាដើមចម នៃភាពតានតឹងនយោបាយនៅកម្ពុជា ក្រោយការបោះឆ្នោត
ការអំពាវនាវយ៉ាងនេះរបសប្រធានគណកប្សប្រឆាំង ត្រូវបានធ្វើឡើងនៅក្នុងសិក្ខាសាលាស្តីអំពីការដោះស្រាយផ្នែកបច្ចេកទេសចំពោះភាពមិនប្រក្រតីនៃការបោះឆ្នោត ដែលដឹកនាដោយលោក សម រង្ស៊ី និងលោក កឹម សុខា។
ការអំពាវនាវយ៉ាងនេះរបសប្រធានគណកប្សប្រឆាំង ត្រូវបានធ្វើឡើងនៅក្នុងសិក្ខាសាលាស្តីអំពីការដោះស្រាយផ្នែកបច្ចេកទេសចំពោះភាពមិនប្រក្រតីនៃការបោះឆ្នោត ដែលដឹកនាដោយលោក សម រង្ស៊ី និងលោក កឹម សុខា។
នៅក្នុងសិក្ខាសាលារយៈពេលជិត២ម៉ោង លោក សម រង្ស៊ី បាននិយាយចំៗ អោយ គណបក្សប្រជាជនកម្ពុជា ចូលរួមដោះស្រាយរកភាពយុត្តិធម៌ជូនប្រជាពលរដ្ឋ។
គួររំលឹកថា កន្លងមកគណកប្សកាន់អំណាច និងគណបក្សប្រឆាំងធ្លាប់ចូលរួមចរចារបង្កើតគណៈកម្មការចម្រុះចំពោះកិច្ចមួយក្នុងគោលដៅដោះស្រាយភាពមិនប្រក្រតីជាច្រើនដែលត្រូវបានលើកឡើងដោយគណបក្សសង្គ្រោះជាតិ និងអង្គការសង្គមស៊ីវិល។
ដំណើរការនៃការបង្កើតគណៈកម្មការនេះបានជាប់គាំងនៅទ្រឹងមួយកន្លែងវិញ នៅពេលនេះ ព្រោះតែការខ្វែងគំនិតគ្នាលើវត្តមាននៃការចូលរួមគណៈកម្មាធិការជាតិរៀបចំការបោះឆ្នោត (គ.ជ.ប)។
ទោះយ៉ាងណាក៏ដោយ ការអំពាវនាវរបស់លោក សម រង្ស៊ី នៅព្រឹកមិញនេះ ជាការអំពាវនាវផ្ទាល់មាត់ តាមរយៈសិក្ខាសាលារបស់គណបក្សសង្គ្រោះជាតិតែប៉ុណ្ណោះ។ គ្មានការបញ្ជាក់ពីថ្នាក់ដឹកនាំនៃគណបក្សជំទាស់មួយនេះ ថាពួកគេនឹងធ្វើលិខិតផ្លូវការទៅកាន់គណបក្សប្រជាជនកម្ពុជាឡើយ។ ភ្លាមៗ បន្ទាប់ពីការអំពាវនាវរបស់លោក សម រង្ស៊ី មន្ត្រីជាន់ខ្ពស់គណបក្សប្រជាជនកម្ពុជាលោក ជាម យៀប បានថ្លែងថា គណបក្សរបស់លោកមិនទាន់ទទួលបានលិខិតស្នើណាមួយនៅឡើយទេ។
គួរបញ្ជាក់អោយដឹងផងដែរថា នៅក្នុងសិក្ខាសាលានៅព្រឹកមិញនេះ គណបក្សសង្គ្រោះជាតិ បានបង្ហាញអោយឃើញថា ខ្លួនគួរតែបានឈ្នះទទួលអាសនៈមួយបន្ថែមទៀតនៅក្នុងមណ្ឌលខេត្តកណ្តាល។ សិក្ខាសាលានោះត្រូវបានរៀបចំធ្វើនៅក្នុងទីស្នាក់ការគណបក្សសង្គ្រោះជាតិនៅក្នុងសង្កាត់ចាក់អង្រែលើដោយមានការចូលរួមពី មន្ត្រីជាន់ខ្ពស់គណបក្សសង្គ្រោះជាតិ តំណាងអង្គការសង្គមស៊ីវិល និងអ្នកកាសែតជាច្រើន។ នៅឯខាងក្រៅទីស្នាក់វិញ សកម្មជនគណបក្សសង្គ្រោះជាតិ ជាង១០០នាក់បានជួបជុំគ្នារង់ចាំស្តាប់លទ្ធផលនៃសិក្ខាសាលា៕
ប្រភពពី RFI
Read more: http://www.cambodiapage.info/?p=10992#ixzz2cKkb3fPy
0 comments:
Post a Comment