ភ្នំពេញ: នៅក្នុងសេចក្តីប្រកាសព័ត៌មាន ថ្ងៃទី៣០ ខែកក្កដានេះ ព្រះអង្គម្ចាស់ នរោត្តម អរុណរស្មី បានថ្លែងនូវអំណរគុណដ៏ជ្រាលជ្រៅ ចំពោះប្រជាពលរដ្ឋ និងសមាជិកទាំងអស់ ដែលបានតស៊ូ គាំទ្រ និងផ្តល់សេចក្តីទុកចិត្ត ចំពោះគណបក្សហ្វ៊ុនស៊ិនប៉ិច កន្លងមកនេះ។
នៅក្នុងសេចក្តីប្រកាសព័ត៌មាននោះ បានបញ្ជាក់បន្តថា “ទោះបីគណបក្សហ្វ៊ុនស៊ិនប៉ិច ពុំបានទទួលនូវអាសនៈក្នុងរដ្ឋសភា នាអាណត្តិនេះក្តី ក៏យើងទាំងអស់គ្នា បានបង្ហាញនូវឆន្ទៈដ៏អង់អាច មុះមុត ក្នុងការរួបរួមគ្នា បំរើប្រជាពលរដ្ឋ និងប្រទេសជាតិតាមសមត្ថភាព របស់យើង”។
នៅក្នុងសេចក្តីប្រកាសនោះ បានបញ្ជាក់ថា “ខ្ញុំសូមបញ្ជាក់ជូនបងប្អូនជនរួមជាតិ ជាទីស្នេហាថា ខ្ញុំផ្ទាល់ នឹងនៅបន្តការដឹកនាំគណបក្សហ៊្វុនស៊ិនប៉ិច ក្នុងគោលបំណងបំរើប្រយោជន៍ជាតិ មាតុភូមិ ក្រោមបាវចនា ជាតិ សាសនា ព្រះមហាក្សត្រ តាមមាគ៌ាដ៏ឧត្តុង្គឧត្តមរបស់សម្តេចឪ សម្តេចតាសម្តេចតាទួត នៃយើង”។
ជាការកត់សម្គាល់ កាលពីថ្ងៃទី២៩ ខែកក្កដា ឆ្នាំ២០១៣ គណបក្សហ៊្វុនស៊ិនប៉ិច ក៏បានចេញសេចក្តីប្រកាសព័ត៌មាន ដោយលើកឡើងថា ការបោះឆ្នោតជាតិ កាលពីថ្ងៃអាទិត្យ មានភាពមិនប្រក្រតីធ្ងន់ធ្ងរ ហើយទាមទារឲ្យបង្កើតគណៈកម្មការចម្រុះមួយ ដើម្បីស្រាវជ្រាវភាពមិនប្រក្រតីទាំងនោះ៕
ប្រភពពី CEN
0 comments:
Post a Comment