លោកសម រង្ស៊ី ប្រធានគណបក្សសង្គ្រោះជាតិបានប្រកាសនៅចំពោះមុខក្រុមអ្នកគាំទ្ររបស់ខ្លួនជាច្រើននាក់ នៅមុខទីស្នាក់ការគណបក្ស នៅថ្ងៃទី២៩ ខែកក្កដា ឆ្នាំ២០១៣ថា គណបក្សរបស់ខ្លួនត្រៀមធ្វើបាតុកម្មធំទូទាំងប្រទេស បើសិនគណបក្សសង្គ្រោះជាតិរបស់លោកមិនត្រូវបានទទួលស្គាល់ថាឈ្នះទេនោះ។
លោកសម រង្ស៊ី ក៏បានប្រាប់ទៅក្រុមអ្នកគាំទ្រឲ្យបញ្ជូនសារតៗគ្នាតាមបណ្តាញសង្គមហ្វេស ប៊ុក ទាក់ទងនឹងគម្រោងបាតុកម្មរបស់ខ្លួន។
បើតាមលោកកឹម សុខា គណបក្សសង្គ្រោះជាតិ នឹងទុកពេលរយៈពេលមួយខែយ៉ាងយូរ ដើម្បីស្រាវជ្រាវលើភាពមិនប្រក្រតីនានា ដែលបានកើតឡើងនៅក្នុងដំណើរការបោះឆ្នោត ដែលការស្រាវជ្រាវ គឺត្រូវធ្វើឡើងដោយការបង្កើតគណៈកម្មការចម្រុះដែលមានការចូលរួមពីគណបក្សសង្គ្រោះជាតិ គណបក្សប្រជាជនកម្ពុជារួមនឹងអង្គការជាតិ និងអន្តរជាតិ។
តែយ៉ាងណាក៏ដោយទាក់ទងនឹងការទាមទារបង្កើតគណៈកម្មការស៊ើបអង្កេតចម្រុះនេះត្រូវបាន លោកអ៊ឹម សួស្តី ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) អះអាងថា មិនអាចទៅរួចនោះទេព្រោះវា ហួសសមត្ថកិច្ចរបស់ គ.ជ.ប និងខណៈដែល លោកឈាន វុន មន្ត្រីជាន់ខ្ពស់របស់គណបក្សប្រជាជនកម្ពុជាបានលើកឡើងថា វាមិនអាចទៅរួចដែរនោះ
ប្រភពពី វាយោ
0 comments:
Post a Comment