ស្ត្រីម្នាក់ ដែលស្ថិតនៅក្រោមក្បែរកង់រថយន្តដឹកប្រឹងធុនធំ១គ្រឿង បានស្រវាលូនចេញ និងសូមអង្វរដល់អ្នកបើកបរ មេត្តាប្រោសប្រណៃទុកជីវិតឲ្យគាត់ផង នៅក្នុងហេតុការណ៍គ្រោះថ្នាក់ចរាចរណ៍ដ៏រន្ធត់បំផុតមួយ ស្ថិតក្នុង Xingxang ខេត្ត Henan នៃប្រទេសចិន កាលពីថ្ងៃទី៣០ មិថុនា កន្លងទៅថ្មីៗនេះ ។
តាមសាក្សី ដែលបានឃើញហេតុការណ៍ផ្ទាល់ភ្នែក បានឲ្យដឹងថា ខណៈស្ត្រីជនរងគ្រោះរូបនោះ កំពុងជិះកង់អគ្គិសនី១គ្រឿង នៅពេលនោះ ក៏ស្រាប់តែមានរថយន្តដឹកប្រេង១គ្រឿង បានបោះពួយយ៉ាងលឿន រួចក៏បុកគាត់ពេញ១ទំហឹង បណ្តាលឲ្យខ្ទាចចូលខាងក្រោមរថយន្តគួររន្ធត់ នៅឯចំណុចផ្លូវឆ្លងកាត់មួយ វេលាម៉ោង ០១ និង ៣០ នានទីរសៀល ។ ស្ថិតក្នុងសម្រែកយំដ៏ឈឺចុកចាប់បំផុតនោះ គាត់បានអើតកអង្វរតៃកុងឡានបញ្ឈប់រថយន្ត ដោយពាក្យពេចន៍អង្វរថាៈ “សូមមេត្តាកុំបន្តបើកកិនខ្ញុំអី!” ។
ជាការពិត នៅស្រុកចិនយើងតែងតែឃើញថា នៅពេលដែលជនរគ្រោះចូលខាងក្រោមរថយន្តហើយ មិនថានៅមានជីវិត ឬក៏នៅរស់នោះទេ គឺតៃកង់ឡាននឹងបើកកិនបន្ថែម មិនត្រាប្រណៃជីវិតឡើយ ។ ប៉ុន្តែ ករណីមួយនេះ វាពិតជាសំណាង១ក្នុង១ពាន់គ្រោះថ្នាក់ ដែលជនរងគ្រោះនៅមានជីវិត អាចនិយាយអង្វរកជាមួយបើកបរ ហើយក៏សូមកោតសរសើរដល់អ្នកបើកបររូបនោះផងដែរ ដែលមានស្មារតីហ្នឹងនរ ជាន់ហ្វ្រាំងបញ្ឈប់រថយន្តភ្លាមៗ រួចចុះអើតមើលជនរងគ្រោះ ព្រមទាញគាត់ចេញពីខាងក្រោមរថយន្តទៀតផង ។ ភ្លាមៗនោះ អ្នកបើកបរចិត្តធម៌បានទូរស័ព្ទហៅរថយន្តគ្រោះបន្ទាន់ មកយកស្ត្រីរងគ្រោះទៅសង្គ្រោះនៅឯមន្ទីរពេទ្យផងដែរ ខណៈដែលគាត់ស្ថិតក្នុងអាការបាត់បង់ស្មារតីទៅហើយ ៕
ប្រភពពី៖ cambodiapage.info
