ខេត្ដកំពង់ស្ពឺ ៖ យុវជនម្នាក់ជិះម៉ូតូ បងធម៌ទៅទិញសាច់ក្លែមនៅភ្នំពេញ តែទៅបាត់៦ថ្ងៃត្រូវសមត្ថកិច្ចនៅខេត្ដ កំពង់ស្ពឺឃាត់ខ្លួន កាលពីវេលាម៉ោង៤ រសៀលថ្ងៃទី៤ ខែកក្កដា ឆ្នាំ២០១៣ នៅ ភូមិថ្នល់បំបែក ឃុំអមលាំង ស្រុកថ្ពង ។ ជនសង្ស័យដែលសមត្ថកិច្ចឃាត់ខ្លួន មានឈ្មោះណុប ភា ហៅវែង អាយុ៣១ ឆ្នាំ ជាកម្មករសំណង់ រស់នៅក្នុងភូមិ ដកពរ ឃុំបឹងត្រាញ់ខាងត្បូង ស្រុក សំរោង ខេត្ដតាកែវ ។ ម៉ូតូដែលជន សង្ស័យយកទៅបាត់៦ថ្ងៃហើយសមត្ថកិច្ច ឃាត់បានមកវិញនោះម៉ាកវីវ៉ា ពណ៌ ក្រហម ស៊េរីឆ្នាំ២០១០ ពាក់ស្លាកលេខ បាត់ដំបង 1N-2783 ។ ម្ចាស់ម៉ូតូឈ្មោះ គុណ សេរី ភេទប្រុស អាយុ៤៧ឆ្នាំ ជាមេការ សំណង់ មានស្រុកកំណើតនៅខេត្ដបាត់ដំបង ។
តាមប្រភពព័ត៌មានពីម្ចាស់ម៉ូតូបាន ប្រាប់សមត្ថកិច្ចឱ្យដឹងថា នៅមុនពេល កើតហេតុកាលពីល្ងាចថ្ងៃទី២៨ ខែមិថុនា ឆ្នាំ២០១៣ រូបគាត់និងជនសង្ស័យជាប្អូន ធម៌បាននាំគ្នាទៅផឹកស៊ីនៅផ្ទះមិត្ដភក្ដិ ឯគីឡូម៉ែត្រលេខ៦ ក្នុងខណ្ឌឫស្សីកែវ ពេលផឹកស៊ីក៏អស់សាច់ក្លែមរូបគាត់ក៏ បានប្រើប្អូនធម៌ឱ្យទៅទិញសាច់ក្លែម ។ មុនពេលឱ្យម៉ូតូរូបគាត់បាននិយាយ ប្រាប់ប្អូនធម៌ថា “ឯងទៅកុំយូរពេក ឆាប់ ត្រឡប់មកវិញ”។ ជនសង្ស័យក៏ឆ្លើយ តបមកវិញថា “ខ្ញុំទៅក៏មិនត្រឡប់មក វិញដែរ”។ ដោយមិនចាប់អារម្មណ៍នឹង សម្ដីប្អូនធម៌និយាយ គឺគេជិះម៉ូតូទៅ បាត់រហូត ។
ប្រភពបន្ដថា ដោយបាត់ម៉ូតូច្រើន ថ្ងៃ គាត់បានដាក់ពាក្យបណ្ដឹងនៅនគរ បាលខណ្ឌឫស្សីកែវ និងទៅខេត្ដកំពង់ឆ្នាំង ខេត្ដកំពង់ស្ពឺ និងខេត្ដតាកែវ ព្រោះជន សង្ស័យមានស្រុកកំណើតនៅខេត្ដតាកែវ ។
ប្រភពព័ត៌មានពីសមត្ថកិច្ចស្រុកថ្ពង បាននិយាយឱ្យដឹងថា ដោយទទួលបាន ពាក្យបណ្ដឹងពីជនរងគ្រោះម្ចាស់ម៉ូតូ ក៏ បានកំណត់មុខសញ្ញាច្បាស់បានឃើញ ជនសង្ស័យជិះម៉ូតូរបស់ជនរងគ្រោះមាន ស្លាកលេខ ដូចនៅក្នុងពាក្យបណ្ដឹងទៅ កាត់សក់នោះ កម្លាំងសមត្ថកិច្ចក៏ឃាត់ ខ្លួនមកសួរនាំ ហើយជនសង្ស័យក៏សារ ភាពថា រូបគេពិតជាបានបោកម៉ូតូបង ធម៌ពិតមែន ។
ក្រោយពីជនសង្ស័យសារភាពរួចមក សមត្ថកិច្ចក៏ឃុំខ្លួននៅស្នងការដ្ឋានខេត្ដ កំពង់ស្ពឺដើម្បីចាត់ការតាមច្បាប់៕
ប្រភពពី នគរវត្ត
