ភ្នំពេញ ៖ រឿងរ៉ាវស្នេហារវាងមនុស្ស២នាក់ដែលជាប្ដីប្រពន្ធគ្មានខាន់ស្លាអស់ រយៈពេលជាង៣ឆ្នាំ ហើយទីបំផុតភាព ល្អូកល្អិនកន្លងមក ក៏បានប្រែក្លាយទៅជា ល្វីងជូរចត់ និងទំនាស់ក្នុងបន្ទុកគ្រួសារ ជាញឹកញយ ទីបំផុតបានធ្វើឱ្យតួឯកស្រី ក្លាយខ្លួនជាឃាតក ហើយតួប្រុសបាន ស្លាប់នៅក្នុង ថ្លុកឈាមខណៈបញ្ជូនមកដល់ មន្ទីរពេទ្យកាល់ម៉ែតបានបន្ដិចរួចមក ។
រឿងរ៉ាវខាងលើនេះគឺផ្ដើមឡើងពី ទំនាស់ក្នុងបន្ទុកគ្រួសាររវាងប្រពន្ធនឹងប្ដី ហើយធ្វើឱ្យស្ដ្រីដែលជាប្រពន្ធយកកាំបិត មុខស្រួចចាក់ចំស្លាបប្រចៀវខាងក្រោយ បណ្ដាលឱ្យលិចដល់សួតស្លាប់ទាំងវ័យក្មេង។
ករណីឃាតកម្មប្រពន្ធចាក់សម្លាប់ប្ដី ខាងលើនេះបានភ្ញាក់ផ្អើលឡើងនៅវេលា ម៉ោង៨និង១៥នាទី ថ្ងៃទី២៤ ខែកក្កដា ឆ្នាំ២០១៣ ស្ថិតនៅក្រុម៧ ភូមិ២ សង្កាត់ ជ្រោយចង្វា ខណ្ឌឫស្សីកែវ ។ ស្ដ្រីជាប្រពន្ធ បន្ទាប់ពីដឹងថាប្ដីរបស់ខ្លួនស្លាប់ បាន ព្យាយាមគេចខ្លួនតែត្រូវបានកម្លាំងសន្ដិ សុខនៃមន្ទីរពេទ្យកាល់ម៉ែតឃាត់រួច ប្រគល់ទៅឱ្យសមត្ថកិច្ច ហើយសាកសព បុរសជាប្ដីត្រូវបានទុកនៅក្នុងសាលមន្ទីរ ពេទ្យដើម្បីរង់ចាំក្រុមគ្រួសារមកទទួល យកទៅធ្វើបុណ្យតាមប្រពៃណី ។
ស្ដ្រីដែលចាក់សម្លាប់ប្ដីមានឈ្មោះ ឱម ចាន់ដាវី អាយុ៣២ឆ្នាំ មានមុខរបរ ជាអ្នកលក់សាច់ជ្រូក ស្នាក់នៅផ្ទះលេខ ៣៣៨ ផ្លូវលេខ២៧១ សង្កាត់ទំនប់ទឹក ខណ្ឌចំការមន ។ រីឯជនរងគ្រោះដែលជា ប្ដីមានឈ្មោះសា សុភ័ណ អាយុ២៩ឆ្នាំ មាន ទីលំនៅផ្ទះជួលក្នុងសង្កាត់ទឹកថ្លា ខណ្ឌ សែនសុខ និងមានស្រុកកំណើតនៅឃុំ ឈើទាល ស្រុកកៀនស្វាយ ខេត្ដកណ្ដាល។
ទាក់ទិនករណីឃាតកម្មរវាងប្រពន្ធ ចាក់ប្ដីគេមិនទាន់ដឹងពីមូលហេតុឱ្យបាន ច្បាស់លាស់រវាងអ្នកទាំង២ថាមកពីរឿង អ្វី ទើបឈានដល់ការចាក់សម្លាប់នេះទេ។ ប៉ុន្ដែបើតាមស្ដ្រីដែលជាជនដៃដល់អះ អាងថា គាត់ត្រូវបានជនរងគ្រោះជាប្ដី វាយធ្វើបាប និងគំរាមកំហែងជាញឹកញយ ព្រមទាំងធ្លាប់ដុតផ្ទះ និងទាមទារយក ប្រាក់ទៅដើរចាយខាងក្រៅមិនចេះចប់ មិនចេះហើយ។ មុនកើតហេតុរូបគាត់(ស្ដ្រី ដៃដល់)ត្រូវបានជនរងគ្រោះទូរស័ព្ទហៅ ឱ្យមកជួបនៅសង្កាត់ជ្រោយចង្វាដើម្បី និយាយរឿងរ៉ាវរវាងពួកគាត់ទាំង២ឱ្យ បានចប់សព្វគ្រប់។ តែពេលមកដល់ជួប មុខគ្នាក៏បានកើតទៅជាទំនាស់ រួចឈាន ដល់ការប្រើហិង្សា ដោយប្ដីបានមកវាយ រូបគាត់ គាត់គ្រាន់តែការពារខ្លួនវិញក៏យក កាំបិតចេញពីកាបូប រួចជន្លក៏ជ្រុលដៃចាក់ ចំស្លាបប្រចៀវខាងក្រោយបណ្ដាលឱ្យ ស្លាប់តែម្ដង ។
ស្ដ្រីរូបនេះបានបញ្ជាក់ថា រវាងរូប គាត់ជាមួយជនរងគ្រោះជាប្ដីបានស្គាល់ គ្នានិងរស់នៅជាមួយគ្នាជាង៣ឆ្នាំ តែ គ្មានកូននោះឡើយ ៕
.jpg)
ប្រភពពីនគរវត្ត
0 comments:
Post a Comment