មន្ត្រីគណបក្សប្រជាជនកម្ពុជាម្នាក់ ដែលជាប់រវល់ក្នុងការចុះពង្រឹងមូលដ្ឋាន និងជាប់បំពេញភារកិច្ចឃោសនារកសំឡេងឆ្នោតគាំទ្រឲ្យគណបក្សប្រជាជនកម្ពុជា យ៉ាងសកម្មបានលួចខ្សឹបប្រាប់ឲ្យដឹងថា យុទ្ធសាស្ត្ររបស់ក្រុមការងារចុះពង្រឹងមូលដ្ឋាននៅតាមបណ្តាខេត្ត ស្រុក ឃុំ នានា របស់គណបក្សប្រជាជនកម្ពុជា គឺមិនត្រឹមផ្តល់ជាអំណោយលើកទឹកចិត្តដល់ប្រជាពលរដ្ឋជាម្ចាស់ឆ្នោតដែលត្រៀមបោះឆ្នោតជូនគណបក្សប្រជាជនកម្ពុជា ប៉ុណ្ណោះទេ ប៉ុន្តែត្រូវជួយបង្ហាត់បង្ហាញ បង្រៀន ឲ្យពលរដ្ឋជាម្ចាស់ឆ្នោតចេះគូសឲ្យចំលេខរៀងទី៤ ជាលេខរៀងរបស់គណបក្សប្រជាជនកម្ពុជា នៅលើសន្លឹកឆ្នោតថែមទៀត ព្រោះខ្លាចពួកគាត់ភ្លេច និងមិនចេះគូស «Sic!»។
លោក ជុំ កុសល អតីតជាពិធីករប្រចាំស្ថានីយ៍ទូរទស្សន៍ CTN និងបច្ចុប្បន្នបានឡើងកូដជាអ្នកវិភាគព័ត៌មានប្រចាំស្ថានីយ៍ទូរទស្សន៍បាយ័នដែលជាទូរទស្សន៍របស់លោកស្រី ហ៊ុន ម៉ាណា ត្រូវជាកូនស្រីរបស់ «សម្តេចតេជោសែន» ត្រូវបានតែងតាំងជាទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានឋានៈស្មើរដ្ឋលេខាធិការ មានងារជា «ឯកឧត្តម» ដោយព្រះរាជក្រឹត្យលេខ នស/រកត/១០០៨/១០៨៣ ចុះថ្ងៃទី០៤ ខែតុលា ឆ្នាំ២០០៨។
លើសពីនេះ ឯកឧត្តម ជុំ កុសល ក៏ត្រូវបានតែងតាំងផងដែរ ជាសមាជិកបម្រុងនៃកាកបាតក្រហមកម្ពុជា អាណត្តិទី៤ ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន ដោយអនុក្រឹត្យរបស់រាជរដ្ឋាភិបាលលេខ៨៣៧អនក្រ.តត ចុះថ្ងៃទី០៥ ខែសីហា ឆ្នាំ២០១០៕
ប្រភពពី ដើមត្នោត
0 comments:
Post a Comment