ខេត្ដកំពង់ស្ពឺ ៖ បុរសម្នាក់បានព្យាយាមចងកធ្វើអត្ដឃាតជាច្រើនដងរហូតបានសម្រេចស្លាប់ចោលប្រពន្ធនិងកូន ឱ្យនៅកំព្រាដោយមិនដឹងមូលហេតុ ។ ករណីចងកធ្វើអត្ដឃាតនេះកើតឡើងកាលពីវេលាម៉ោង៥និង៣០នាទីព្រឹក ថ្ងៃទី២៨ ខែមិថុនា ឆ្នាំ២០១៣ នៅភូមិ អូរក្រោម ឃុំទ្នាយ ស្រុកសំរោងទង ខេត្ដ កំពង់ស្ពឺ តាមការរៀបការរៀបរាប់របស់ ស្ដ្រីឈ្មោះ ណុប រតនៈ អាយុ៣៣ឆ្នាំ ត្រូវ ជាប្រពន្ធសពបានឱ្យដឹងថា កន្លងមកប្ដី របស់គាត់ធ្លាប់បានព្យាយាមចងកសម្លាប់ ខ្លួន២ដងរួចមកហើយ តែត្រូវបានរូប គាត់ និងកូនៗឃើញទាន់ក៏ជួយសង្គ្រោះ ទាន់ពេលវេលា ដោយឡែកនៅយប់ថ្ងៃទី ២៧ ខែមិថុនា ប្ដីរបស់គាត់បានផឹកស្រា បន្ដិចបន្ដួចប៉ុន្ដែមិនមានជម្លោះក្នុង គ្រួសារនោះទេ និងបានសម្រាកនៅលើ អង្រឹង ចំណែករូបគាត់និងកូនៗសម្រាក នៅលើគ្រែ ។ លុះវេលាទៀបភ្លឺបានបាត់ ប្ដីពីលើអង្រឹងក៏បានដាស់កូនឱ្យតាមរក មើល ពេលនោះកូនប្រុសក៏បានរត់សំដៅ ទៅរកដើមអំពិលដែលប្ដីគាត់ធ្លាប់រក ចងកកាលពីលើកមុនមានចម្ងាយ១០០ ម៉ែត្រពីភូមិ ស្រាប់តែប្រទះឃើញប្ដី របស់គាត់ចងកសម្លាប់ខ្លួននឹងខ្សែគោ ជាប់មែកអំពិលស្លាប់បាត់ទៅហើយ ។ ឃើញដូច្នោះរូបគាត់បានប្រាប់ឪពុក របស់គាត់ និងបានរាយការណ៍ទៅមេភូមិ ហើយមេភូមិក៏រាយការណ៍ដល់សមត្ថកិច្ច ឱ្យចុះមកពិនិត្យតែម្ដង ។
លោកអនុសេនីយ៍ទោ ម៉ិច សោភ័ណ្ឌ អធិការរងនគរបាលស្រុកសំរោងទងដែល ដឹកនាំកម្លាំងបច្ចេកទេស និងកម្លាំងនគរ បាលព្រហ្មចុះពិនិត្យកន្លែងកើតហេតុបាន ឱ្យដឹងថា ក្រោយពីពិនិត្យសាកសពរួច លទ្ធផលគឺជនរងគ្រោះពិតជាចងកសម្លាប់ខ្លួនប្រាកដមែន ពុំមែនជាករណីឃាតកម្ម នោះទេ ។
លោកអធិការរងបានបញ្ជាក់ថា គ្រួសារសពគឺជាគ្រួសារទីទ័លក្រ និងមិន អាចមានលទ្ធភាពធ្វើបុណ្យទេ ឃើញ ដូច្នោះលោក និងអ្នកយកព័ត៌មានយើង ក៏បានចូលរួមបរិច្ចាគថវិកាផ្ទាល់់ខ្លួន រួមនិងអ្នកយកព័ត៌មានយើងក្នុងម្នាក់ ២ម៉ឺនរៀលផងដែរ ។
សពត្រូវបានអ្នកភូមិជួយជ្រោមជ្រែង ជួយធ្វើបុណ្យនៅភូមិ-ឃុំកើតហេតុខាងលើ ៕
___________
ប្រភពពី៖ នគវត្ត
ប្រភពពី៖ នគវត្ត
