ខេត្តបន្ទាយមានជ័យ ៖ ខ្យល់ព្យុះដ៏កំណាចមួយបានធ្វើការបោកបក់បំផ្លាញលំនៅដ្ឋានរបស់ប្រជាពលរដ្ឋចំនួន៣ឃុំ ដែលស្ថិតក្នុងស្រុកស្វាយចេក ដោយខ្លះរបើកដំបូល និងខ្លះទៀតត្រូវបានដួលរលំ កាលពីវេលាម៉ោង៣និង២០នាទីរសៀលថ្ងៃទី០១ ខែមិថុនា ឆ្នាំ២០១៣ ។
លំនៅដ្ឋានរបស់ប្រជាពលរដ្ឋដែលរងការខូចខាតក្នុងឃុំចំនួន ៣រួមមាន១.ឃុំស្វាយចេក ខូចខាតផ្ទះ១៥ខ្នង ដែលខូចខាតខ្លាំង៦ខ្នង និងសាលារៀន១ខ្នង ២.ឃុំរលួស ខូចខាត៣ខ្នង ខូចខាតខ្លាំង១ខ្នង ៣.ឃុំស្លក្រាម គ្រាន់តែរប៉ើកដំបូល។
នៅក្នុងហេតុការណ៍គ្រោះធម្មជាតិខាងលើនេះ មិនបានបណ្តាលឲ្យមនុស្សណាម្នាក់រងរបួសធ្ងន់ធ្ងរនោះទេ គ្រាន់តែធ្វើឲ្យខូចខាតទ្រព្យសម្បត្តិមួយចំនួនប៉ុណ្ណោះ។ គួររំលឹកផងដែរថា មួយរយៈពេលចុងក្រោយនេះមានករណីគ្រោះធម្មជាតិយ៉ាងច្រើនបានកើតឡើងក្នុងប្រទេសកម្ពុជា ដូចជាប៉ុន្មានថ្ងៃមុននេះមានព្យុះ លាយឡំដោយខ្យល់កន្ត្រាក់ ធ្វើឲ្យខូចខាតលំនៅដ្ឋានប្រជាពលរដ្ឋ និងមានលាយឡំដោយដុំទឹកកកផងដែរ។ កត្តាទាំងអស់នេះគឺបណ្តាលមកពីការប្រែប្រួលអកាសធាតុ ដែលជាបញ្ហាដែលពិភពលោកកំពុងតែមានការព្រួយបារម្ភយ៉ាងខ្លាំង៕
ប្រភពពី៖ វត្តភ្នំ
0 comments:
Post a Comment