ខេត្ដបាត់ដំបង ៖ បុរស២នាក់ក្នុងនោះម្នាក់ជាអនីតិជនត្រូវបាននគរបាលស្រុក សំឡូតឃាត់ខ្លួនតាមយោបល់ព្រះរាជអាជ្ញា បន្ទាប់ពីទទួលពាក្យបណ្ដឹងពីស្ដ្រីមេម៉ាយម្នាក់ ពីបទរំលោភសេពសន្ថវៈ ដោយខឹងនឹងបុរស២នាក់នោះបានចាប់គាត់រំលោភ ហើយសើចចំអកដាក់គាត់ទៀត ។
ជនសង្ស័យទាំង២នាក់នោះ សមត្ថកិច្ចជំនាញស្រុក សំឡូតបានកសាងសំណុំរឿងទៅស្នងការ ដ្ឋាននគរបាលខេត្ដបាត់ដំបងនៅព្រឹកថ្ងៃទី១ ខែមិថុនា ឆ្នាំ២០១៣ ដើម្បីចាត់ការ បន្ដទៅតុលាការតាមនីតិវិធី ។
ការឃាត់ខ្លួនជនសង្ស័យខាងលើនេះ ធ្វើឡើងកាលពីវេលាម៉ោង១០ព្រឹកថ្ងៃទី ៣១ ខែឧសភា ឆ្នាំ២០១៣ នៅអធិការដ្ឋាន នគរបាលស្រុកសំឡូត ក្រោយពីសាកសួរ តាមយោបល់លោកព្រះរាជអាជ្ញារួចមក ។
ហេតុការណ៍ចាប់រំលោភសេពសន្ថវៈ បានកើតឡើងកាលពីវេលាម៉ោង៨និង២២ នាទីយប់ថ្ងៃទី២៩ ខែឧសភា ឆ្នាំ២០១៣ នៅក្បែរផ្ទះផឹកស៊ីមួយកន្លែង ស្ថិតក្នុង ភូមិភ្នំរៃ ឃុំតាតោក ស្រុកសំឡូត ខេត្ដ បាត់ដំបង ។
លោកម៉ែន រីម អធិការរងស្រុក សំឡូតបានឱ្យដឹងថា ស្ដ្រីរងគ្រោះមាន ឈ្មោះណាំ រឿន អាយុ២៧ឆ្នាំ មានទីលំ នៅក្នុងភូមិ-ឃុំកើតហេតុខាងលើ ។ ចំណែកបុរសជាជនសង្ស័យម្នាក់ឈ្មោះ ផុន ផានិត អាយុ១៩ឆ្នាំ និងម្នាក់ទៀត ឈ្មោះពៅ ស្នា អាយុ១៤ឆ្នាំ អ្នកទាំង២ រស់នៅភូមិ-ឃុំកើតហេតុជាមួយគ្នា ។
តាមប្រភពពីសាក្សីបានប្រាប់សមត្ថ កិច្ចថា កាលពីព្រលប់ថ្ងៃទី២៩ ខែឧសភា ឆ្នាំ២០១៣ នៅមុនពេលកើតហេតុមាន កម្មវិធីស៊ីផឹកនៅផ្ទះឈ្មោះផុន ផានិត ពេលនោះស្ដ្រីរងគ្រោះដែលស្នាក់នៅផ្ទះ ឈ្មោះយឹម ចន្ធី(ប្ដីមិននៅផ្ទះ) នៅក្បែរ គ្នាបានដើរទៅចូលរួមផឹក១កែវ២កែវ ដែរ ហើយពេលកំពុងផឹកស៊ីនោះពួក ក្មេងៗដែលចូលរួមបានលូកចាប់សុដន់ នាងលេងស្ទើរគ្រប់គ្នា តែស្ដ្រីរងគ្រោះ មិនបាននិយាយស្ដីឱ្យនរណាម្នាក់នោះទេ រួចនាងក៏ដើរចេញទៅមើលទូរទស្សន៍ វិញបាត់ ចំណែករឿងផ្សេងទៀតដឹងមិន ច្បាស់ ។
ជនសង្ស័យទាំង២នាក់បានប្រាប់ សមត្ថកិច្ចថា ពួកគេទាំង២នាក់បានផឹក ស៊ីនៅផ្ទះរបស់ខ្លួនហើយក៏មានស្ដ្រីរង គ្រោះ និងបងប្រុសរបស់នាងចូលរួម ផឹកដែរ ក្រោយមកក៏បែកផ្លូវគ្នា ហើយគេទាំង២នាក់ក៏បានដេកលក់មិនបានដឹង អ្វីនោះទេ ។ លុះព្រឹកឡើងថ្ងៃទី៣១ ខែ ឧសភា ឆ្នាំ២០១៣ ក៏ឮថាស្ដ្រីរងគ្រោះ ចោទថា រូបខ្លួនឈ្មោះផុន ផានិត ជាអ្នក ឈរមើលហើយឈ្មោះពៅ ស្នា ជាអ្នក រំលោភ ។
ស្ដ្រីរងគ្រោះបានដាក់ពាក្យបណ្ដឹងនៅ អធិការដ្ឋាននគរបាលស្រុកសំឡូតកាល ពីម៉ោង៨ព្រឹកថ្ងៃទី៣១ ខែឧសភា ឆ្នាំ ២០១៣ថា ឈ្មោះផុន ផានិត និងឈ្មោះ ពៅ ស្នា បានធ្វើសកម្មភាពចាប់នាង រំលោភកាលពីវេលាម៉ោង៨និង២២នាទី យប់ថ្ងៃទី២៩ ខែឧសភា ឆ្នាំ២០១៣ ពេល ចប់កម្មវិធីផឹកស៊ី ។
លោកម៉ែន រីម អធិការរងបាន បញ្ជាក់ថា បុរសសង្ស័យ២នាក់ និងស្ដ្រី រងគ្រោះកាលពីយប់កើតហេតុមានការ ត្រូវរ៉ូវគ្នាទើបឈានដល់ការរំលោភ ស្ងាត់ៗហើយរំលងពីរបីយប់ទើបមកប្ដឹង ម្យ៉ាងទៀតអ្នកភូមិបានឱ្យដឹងថា ស្ដ្រីរង គ្រោះមានប្ដីមិនច្បាស់លាស់ប្រហែល ២០នាក់មកហើយ ។
ទោះជាយ៉ាងណា ជនសង្ស័យទាំង២នាក់ត្រូវសមត្ថកិច្ច កសាងសំណុំរឿងពីបទរំលោភសេព សន្ថវៈទៅស្នងការដ្ឋាននគរបាលខេត្ដ បាត់ដំបងនាព្រឹកថ្ងៃទី១ ខែមិថុនា ឆ្នាំ ២០១៣ ដើម្បីចាត់ការបន្ដទៅតុលាការតាមនីតិវិធី ៕
_____________________ប្រភពពី៖ cambodiapage.info
0 comments:
Post a Comment