ខេត្ដកោះកុង ៖ បុរសវ័យ៥២ឆ្នាំម្នាក់ បែកក្បាលធ្លាយខួរស្លាប់ភ្លាមៗយ៉ាង អាណោចធ័មនៅកន្លែងកើតហេតុ ខណៈ ដែលកំពុងជិះម៉ូតូម្នាក់ឯងបញ្ច្រាសទិស នឹងរថយន្ដក្រុងអ្នកដំណើររបស់ក្រុមហ៊ុន ឫទ្ធិមុនី ។ ហេតុការណ៍នេះបានកើតឡើង កាលពីវេលាម៉ោង១៤និង៣០នាទី ថ្ងៃទី ៧ខែមិថុនា ឆ្នាំ២០១៣ នៅលើកំណាត់ ផ្លូវលេខ៤៨ ឃុំបឹងព្រាវ ស្រុកស្រែអំបិល ខេត្ដកោះកុង ។
ជនរងគ្រោះដែលបាត់បង់ជីវិតយ៉ាង អាណោចអាធ័មក្នុងហេតុការណ៍គ្រោះ ថ្នាក់ចរាចរខាងលើមានឈ្មោះ គឹម ផល អាយុ៥២ឆ្នាំ មុខរបរកសិករ ចំណែកអ្នក បើកបររថយន្ដដឹកអ្នកដំណើររបស់ក្រុម ហ៊ុនឫទ្ធិមុនីបានគេចខ្លួនបាត់ស្រមោល ក្រោយកើតហេតុភ្លាមៗ ។
តាមប្រភពព័ត៌មានពីកន្លែងកើត ហេតុបានឱ្យដឹងថា នៅមុនពេលកើត ហេតុ គេបានឃើញបុរសវ័យចំណាស់ ជាជនរងគ្រោះបានជិះម៉ូតូ១គ្រឿងម៉ាក វីវ៉ា ពណ៌ខ្មៅ ពាក់ស្លាកលេខភ្នំពេញ 1K-6984 តែម្នាក់ឯងតាមបណ្ដោយផ្លូវ លេខ៤៨ ក្នុងទិសដៅពីកើតទៅលិច លុះ មកដល់ចំណុចកើតហេតុ ស្រាប់តែ រថយន្ដដឹកអ្នកដំណើររបស់ក្រុមហ៊ុន ឫទ្ធិមុនី ពាក់ស្លាកលេខភ្នំពេញ 3B-6991 ដែលធ្វើដំណើរបញ្ច្រាសទិសគ្នា បានជ្រុលចង្កូតទៅបុកម៉ូតូជនរងគ្រោះ ពេញទំហឹងតែម្ដង បណ្ដាលឱ្យដួលម៉ូតូ ហើយអ្នកបើកបរត្រូវរថយន្ដខ្ទេចក្បាល ស្លាប់ភ្លាមៗនៅក្នុងថ្លុកឈាម ។
បច្ចុប្បន្ន សមត្ថកិច្ចបានចុះដល់ កន្លែងកើតហេតុដើម្បីធ្វើអន្ដរាគមន៍ ។
សាកសពត្រូវបានប្រគល់ឱ្យក្រុម គ្រួសារធ្វើបុណ្យតាមប្រពៃណី ។ ចំណែក រថយន្ដត្រូវបានសមត្ថកិច្ចអូសយកទៅ រក្សាទុកនៅអធិការដ្ឋាននគរបាលស្រុក ដើម្បីរង់ចាំដោះស្រាយពេលក្រោយ ៕
ប្រភពពី៖ នគវត្ត
0 comments:
Post a Comment