ភ្នំពេញ : រថយន្តពីរគ្រឿង ត្រូវគៀបជាប់គ្នារងនៅការខូចខាតយ៉ាងដំណំ ខណះរថយន្តមួយគ្រឿងម៉ាក មីនីស្តុកភើ បើកលឿនជ្រុលបុកចូលកង់ក្រោយរថយន្តដឹកភ្ញៀវទេសចរណ៍ កាលពីវេលាម៉ោង ១៩ នឹង ៤០ នាទីយប់ថ្ងៃទី ២៣ ខែមិថុនា ឆ្នាំ ២០១៣ នៅចំណុចជិតស្ពានហង្ស កោះពេជ្រ តាមបណ្តោយផ្លូវសបិត ក្នុងសង្កាត់ទន្លេបាសាក់ ខណ្ឌចំការមន ។
យោងតាមប្រភពព័ត៌មាន ពីសមត្ថកិច្ចដែលចុះទៅពិនិត្យ នឹងវាស់វែងដល់ចំណុចកើតហេតុបានឲ្យដឹងថា មុនពេលកើតហេតុ គេបានឃើញរថយន្តមីនីស្តុកភើ មួយគ្រឿង ពណ៌ឈាមជ្រូកគា្មនស្លាកលេខបានបើកបរ តាមបណ្តោយផ្លូវ សបិត ក្នុងទិសដៅពីជើង ទៅត្បូង ដោយបានបើកបរយ៉ាងលឿនដូចហោះ មកដល់ចំណុច កែងផ្លូវស្ពានហង្សកោះពេជ្រ បានជ្រុលល្បឿនទៅបុកចំកង់ក្រោយរថយន្តដឹកភ្ញៀវទេសចរណ៍មួយគ្រឿងយ៉ាងពេញទំហឹង ខណៈរថយន្តដឹកភ្ញៀវទេសចរណ៍កំពុងបើកបរបញ្ច្រាសទិសគ្នាជាមួយរថយន្តមីនីស្តុកភើ ។ ប្រភពពដដែលបានបន្តថា គ្រោះថ្នាក់នេះបណ្តាលឲ្យរថយន្តទាំងពីរគ្រឿងគៀបជាប់គ្នា នឹងរងការខូចខាតផងដែរ ហើយក្នុងហេតុការណ៍ខាងលើមិនបណ្តាលឲ្យមនុស្សណាម្នាក់រងរបួសនោះទេ ។
បន្ទាប់ពីកើតហេតុរថយន្តទាំងពីរគ្រឿងត្រូវបាននគរបាលចរាចរណ៍ខណ្ឌចំការមនចុះមកអន្តរាគមន៍ សម្របសម្រួលរវាងភាគីទាំងពីរ ឲ្យចរចាគ្នា ដើម្បីមិនចង់ឲ្យមានរឿងវែងឆ្ងាយ ។ ដូច្នេះភាគីទាំងពីរសុំឲ្យ សមត្ថកិច្ចធ្វើការវែងវាស់រកខុសត្រូវ ដើម្បីឲ្យភាគីខាងខុសសងសំណងភាគីខាងត្រូវជាបញ្ចប់រឿង ៕ ជោគជ័យ
ប្រភពពី៖ ABC+
