… មិនអាចធ្វើបានដូចធម្មជាតិ!
របាយការណ៍របស់វិទ្យាស្ថានវិទ្យាសាស្ត្រសុខាភិបាលអាមេរិក (HSI) កាលពីខែធ្នូ ២០០៨ មានការបកស្រាយច្បាស់ជាងមុនបន្តិច ពីមូលហេតុដែលក្រុមហ៊ុនឱសថធំបំផុតប្រទេសអាមេរិក មិនចង់ប្រកាសពីលទ្ធផលនៃការស្រាវជ្រាវ របស់ខ្លួនអំពីផ្លែទៀបបារាំង ។
ស្លឹក ប្ញស គ្រាប់ ផ្លែ ទៀបបារាំង មានផ្ទុកនូវសារធាតុដ៏អស្ចារ្យម្យ៉ាង អាចព្យាបាលជំងឺកាចសាហាវៗ ពិសេស គឺមហារីក។ តាម HSI សូម្បីតែសំបកដើមទៀបបារាំង ក៏មានប្រសិទ្ធិភាព និងត្រូវបានកុលសម្ព័ន្ធស្បែកក្រហម នៅអាមេរិកខាងត្បូង ប្រើប្រាស់សម្រាប់ព្យាបាលជំងឺ ក្នុងនោះ មានទាំងជំងឺថ្លើមផងដែរ តាំងពីច្រើនសតវត្សមកហើយ ។
ផ្អែកតាមប្រភពឯកសារដ៏តិចតួច គ្រាដំបូង ក្រុមហ៊ុនដែលសិក្សាពីផ្លែទៀបបារាំង (HSI ពុំលើកឈ្មោះចំៗ) បានចំណាយរាប់លានដុល្លារ ដើម្បីបំភ្លឺអាថ៌កំបាំងនៅពីក្រោយពាក្យចចាមអារាមតៗគ្នា ។ ដំបូង គេបានសន្និដ្ឋានសមាសធាតុនៅក្នុងទៀបបារាំង វាមានសមត្ថភាពកំណត់ទិសដៅខ្លួនឯង វាយលុក ហើយកំចាត់បណ្តាកោសិកាមហារីក ខណៈពេលពុំធ្វើឲ្យកោសិកាធម្មតា រងផលប៉ះពាល់ឡើយ ។
ប៉ុន្តែ ដោយច្បាប់សហព័ន្ធរបស់អាមេរិក ពុំផ្តល់កម្មសិទ្ធិបញ្ញា ចំពោះផលិតផលណា ដែលធម្មជាតិសុទ្ធៗនោះ ក្រុមហ៊ុនក៏ស្វែងរកវិធី ដើម្បីញែកដាច់សមាសធាតុសំខាន់ៗនៅក្នុងផ្លែនេះ ។ ប្រសិនបើគេផ្តាច់នឹងចម្រាញចេញបានឲ្យទៅជាផលិតផល នោះនឹងទទួលបានកម្មសិទ្ធិបញ្ញា ។ ប្រសិនបើធ្វើបានដូច្នេះនោះ ការប្រមូលដើមទុនវិញ ពុំមែនជាបញ្ហាឡើយ ពុំនិយមដល់ការលក់ផ្តាច់មុខ ចំណេញកប់ក្តោងផង ។
៧ ឆ្នាំកន្លងផុត គេនៅពុំអាចជំនះឈ្នះនឹងធម្មជាតិបាន ។ ព្រោះថា ទោះបីប្រើឧបករណ៍ទំនើបយ៉ាងណា ក៏ឆ្លងកាត់ការកែច្នៃលក្ខណៈដើម នៃសារធាតុនេះ ពុំអាចដូចបាននឹងផ្លែធម្មជាតិស្រស់ៗដែរ ។
…ទម្លាយចេញក្រោមសម្ងំលាក់បាំង ៧ ឆ្នាំ!
ក្រុមអ្នកវិទ្យាសាស្ត្រអាមេរិក ដែលរ៉ាប់រងការស្រាវជ្រាវនេះ ដោយបាត់បង់ការអត់ធ្មត់ ព្រោះវាអាចជួយដល់មនុស្សច្រើននាក់នោះ សុខចិត្តប្រឈមមុខនឹងការបណ្តេញចេញពីការងារ ហើយទម្លាយរឿងនេះចេញប្រាប់ Raintree Nutriton ដែលជាក្រុមហ៊ុនឯកទេសផលិត បណ្តាផលិតផលធម្មជាតិនៅតំបន់ Amazon ប្រទេសប្រេស៊ីល ។
ផ្តើមពីនោះ រឿងរ៉ាវត្រូវបានធ្លាយចេញមកក្រៅ ។ ប្រការដែលគួរឲ្យភ្ញាក់ផ្អើលនោះ គឺពុំមានការពិសោធន៍ដោយផ្ទាល់ណាមួយ ត្រូវបានអនុវត្តចំពោះអ្នកជំងឺក្នុងរង្វង់ ៧ ឆ្នាំ មកនេះ ទោះបីក្នុងការប្រឹងប្រែងស្រាវជ្រាវ កាត់ផ្តាច់សាធារតុដ៏មានសារប្រយោជន៍ ពីផ្លែទៀបបារាំង គេបានចំណាយលុយវាល់លានដុល្លារក៏ដោយ ។ មូលហេតុ គឺអាស្រ័យដោយពុំអាចមានបទកំណត់ នៃច្បាប់ណាមួយ ឬ វេជ្ជបញ្ជារណាមួយ ដែលឲ្យ “ប្រើផ្លែឈើធម្មជាតិសុទ្ធសាធ ដើម្បីព្យាបាលមហារីក” ។
ម្យ៉ាងទៀត ប្រសិនក្រុមហ៊ុនធ្វើបែបនេះ គឺផ្ទុយនឹងច្បាប់ ឬ បើមានបញ្ហាជាយថាហេតុណាមួយកើតឡើង អាចប្រឈមមុខនឹងជាប់ពន្ធនាគារថែមទៀត ។ អ្វីៗដែលអ្នកវិទ្យាសាស្ត្រ រកឃើញពីប្រសិទ្ធិភាពដ៏អាស្ចារ្យ នៃផ្លែទៀបបារាំង បានត្រឹមតែក្នុងកំរិត នៃបន្ទប់ពិសោធន៍ឯករាជ្យចំនួន ២០ របស់អាមេរិក ប៉ុណ្ណោះ ។
គួរកត់សម្គាល់ថា ការសិក្សាដំបូង ពីប្រសិទ្ធិភាព នៃផ្លែទៀបបារាំង ត្រូវបានវិទ្យាស្ថានមហារីកអាមេរិក ស្រាវជ្រាវតាំងពីឆ្នាំ១៩៧៦ ។ លទ្ធផលឲ្យដឹងថា ទាំងស្លឹក និងទង របស់ផ្លែឈើនេះ សុទ្ធសឹងមានផ្ទុកនូវសារធាតុសកម្ម ដែលមានសមត្ថភាពវាយលុក និងកំចាត់កោសិកាសាហាវៗ ។ ដោយសារមូលហេតុណាមួយនោះ លទ្ធផលរបស់វាត្រូវបានគេលាក់ទុក ហើយមិនផ្សព្វផ្សាយទូលំទូលាយ ។
ពីពេលនោះមក វាត្រូវបានមូលដ្ឋានស្រាវជ្រាវ ពិសោធន៍ ប្រមាណជា ២០ ធ្វើការងារសិក្សានេះ ដោយឯករាជ្យពីគ្នា ។ លទ្ធផលរបស់វាទើបគួរឲ្យភ្ញាក់ផ្អើលនោះ គឺសុទ្ធអះអាងពីប្រសិទ្ធិភាព ប្រឆាំងរោគមហារីកពិតប្រាកដមែន ។
ពួកអ្នកស្រាវជ្រាវទាំងនោះ សុទ្ធតែអះអាងពីសមាសធាតុធម្មជាតិ របស់ទៀបបារាំង អាចកម្ចាត់បានមហារីកដល់ទៅ ១២ ប្រភេទ ជាអារិ៍ៈ មហារីកពោះវៀនធំ, សុដន់, ប្រូស្តាត, សួត, ថ្លើម, លំពែង ។ល។ ការសិក្សាថ្មីបំផុត របស់សាកលវិទ្យាល័យ Purdue ក៏ទទួលបានលទ្ធផលស្រដៀងគ្នានេះដែរ ៕
ប្រភពពី៖ cambodiapage.info
