ក្រុងប៉ោយប៉ែត ៖ មានហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់មួយបានកើតឡើងកាលពីវេលាម៉ោង៥និង២៥នាទីល្ងាចថ្ងៃទី១០ ខែមិថុនា ឆ្នាំ២០១៣ នៅលើកំណាត់ផ្លូវជាតិលេខ៥ ស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ដោយសារតែមានរថយន្ត៤គ្រឿងបានបុកបន្តកន្ទុយគ្នា បណ្តាលឲ្យរួញកំពិត និងក្រឡាប់ផ្ងារជើងមើលទៅគួរឲ្យតក់ស្លុតយ៉ាងខ្លាំង។
សមត្ថកិច្ចនៅមិនទាន់អាចបញ្ជាក់បានថា តើមានអ្នកស្លាប់ និងរបួសប៉ុន្មាននៅឡើយទេ ប៉ុន្តែពេលនេះប៉ូលិសកំពុងតែធ្វើការជួយសង្គ្រោះទាញយកជនរងគ្រោះពីក្នុងរថយន្ត ដើម្បីដឹកយកទៅធ្វើការសង្គ្រោះ នៅមន្ទីរពេទ្យ។បើតាមប្រភពពីប្រជាពលរដ្ឋបានឱ្យដឹងថា ដំបូងគេឃើញរថយន្តម៉ាកកាមរី បានធ្វើដំណើរក្នុងទិសដៅពីខាងកើត ហើយរថយន្តតាកូម៉ា រថយន្តឡង់គ្រីស្ស័រ និងរថយន្តដឹកស៊ីម៉ងត៍ជិះទៅទិសខាងលិច លុះមកដល់ចំណុចផ្លូវបំបែកជា៣មុខស្ថានីយ៍ប្រេងឥន្ធនៈតេលា មិនដឹងជាមានមូលហេតុអ្វី ក៏ស្រាប់តែរថយន្តទាំងនោះបុកគ្នាពេញទំហឹងតែម្តង ៕
ប្រភពពី៖ cambodiapage.info
0 comments:
Post a Comment