លោកតាផ្លុង មឿក តារាចម្រៀងអាយ៉ៃជើងចាស់ ត្រូវបានចោរគាស់ទ្វារ រថយន្តយកលុយ អស់ជិត២ លាន រៀល និងឯកសារសំខាន់មួយចំនួន ខណៈ លោកតា ចូលហូបចុកជាមួយមិត្តភក្តិ នៅក្នុងភោជនីយដ្ឋាន ពោធិ៍ចិនតុង ហៅហាងយាយស៊ីម ។ ហេតុការណ៍ នេះ បានកើត ឡើង
កាលពីម៉ោង២១យប់ថ្ងៃទី៤ ខែមិថុនា ឆ្នាំ២០១៣ នៅចំនុចភោជនីយដ្ឋាន ពោចិនតុង ហៅហាងយាយស៊ីម មានទី តាំង នៅ តាមបណ្ដោយផ្លូវសហពន្ធ័រុស្ស៊ី ក្នុងភូមិប៉ប្រកខាងត្បូង សង្កាត់កាកាប ខណ្ឌពោសែនជ័យ ។
លោកតា ផ្លុង មឿក បានរៀបរាប់ប្រាប់ នគរបាលនោះថា ចោរលួចយកលុយ ដុល្លារ២០០ លុយខ្មែរចំនួន៥០ម៉ឺនរៀល និងលុយខ្លះទៀត ច្បាស់ចំនួនបើសរុបជិត ២លានរៀល រួមនិងឯកសារ ពាក់ព័ន្ធសំខាន់ៗមួយចំនួនទៀត ដូចជាប័ណ្ណ បើកលុយចូលនិវត្តន៍ ១សន្លឹក ប័ណ្ណសមាជិក ក្រុមប្រឹក្សាសង្កាត់ ទន្លេបាសាក់១សន្លឹក អត្តសញ្ញាណប័ណ្ណ១សន្លឹក។
ប្រភពបានឲ្យដឹងថា មុនពេលកើតហេតុលោកតា បានចូលមកហូបចុក ជាមួយមិត្តភក្តិនៅ ក្នុងយាយស៊ីមនេះ ចាប់តាំងពីម៉ោង១៩ រហូត ដល់ម៉ោង២១ជាង យប់ពេលត្រឡប់ទៅផ្ទះវិញ គាត់គ្រាន់តែ បើកទ្វារ រថយន្តចូល ស្រាប់តែប្រទះឃើញ បាត់លុយកាកអស់រលីងនិងឯកសារ របស់គាត់ផងដែរ ទើបគាត់ស្ទុះទៅសួរសន្តិសុខ ប៉ុន្តែ ត្រូវបានសន្តិសុខយាម នៅហាងនោះ ឆ្លើយប្រាប់ថា អត់ដឹងទេ ពេលនោះគាត់ ក៏មិនបានតបតដែរ គាត់ ទៅផ្ទះសិនលុះ ព្រឹកឡើងថ្ងៃទី៥ខែមិថុនា ឆ្នាំ២០១៣ គាត់ក៏បានមកដាក់ពាក្យបណ្តឹង នៅប៉ុស្តិ៍នគរបាលកាកាប ដើម្បីឲ្យនគរបាល ជួយធ្វើការស្រាវជ្រាវ និងស្វែងរកចាប់ខ្លួនជន ដៃដល់យកមកផ្តន្ទាទោស ទៅតាមផ្លូវច្បាប់។
សូមបញ្ជាក់ថាលោកតាផ្លុង មឿក មានអាយុ៨០ឆ្នាំ មុខរបរជាគ្រូសិល្បៈផ្នែកអាយ៉ៃឆ្លើយឆ្លង និងជាសមាជិក ក្រុមប្រឹក្សា សង្កាត់ ទន្លេបាសាក់ រស់នៅនៅក្នុង បូរីសន្ដិភាព២ ភូមិដំណាក់ត្រយឹង សង្កាត់ចោម ចៅខណ្ឌពោធិ៍សែនជ័យ មាន ស្រុកកំណើតនៅភូមិកោះស្នា ឃុំស្នោស្រុកអង្គស្នួល ខេត្តកណ្ដាល លោកតាជិះរថយន្ដ កាមរីពណ៌ស ស៊េរីឆ្នាំ១៩៩១ ៕
______________ប្រភពពី៖ cambodiapage.info
0 comments:
Post a Comment