ខេត្ដកំពង់ឆ្នាំង ៖ បុរសម្នាក់ដែលគេ ស្គាល់ថាជាមេឃុំចោងម៉ោង ស្រុកទឹក ផុស ខេត្ដកំពង់ឆ្នាំង ត្រូវបានប្រជាពល រដ្ឋប្រទះឃើញស្លាប់ក្នុងទឹកដោយមាន ម៉ូតូសង្កត់ពីលើកាលពីវេលាម៉ោង៥និង១៥នាទីព្រឹកថ្ងៃទី២ ខែមិថុនា ឆ្នាំ២០១៣ នៅចំណុចដូនម៉ៅក្នុងភូមិដូនម៉ៅ ឃុំ ចោងម៉ោង ស្រុកទឹកផុស ខេត្ដកំពង់ឆ្នាំង ។
លោកស៊ំ សុខុម នាយរងប៉ុស្ដិ៍ឃុំ ចោងម៉ោងបានឱ្យដឹងថា មេឃុំដែល ស្លាប់ឈ្មោះព្រំ ណឹម ភេទប្រុស អាយុ៥៩ ឆ្នាំ រស់នៅភូមិខាងលិច ឃុំចោងម៉ោង ស្រុកទឹកផុស ។ នៅមុនពេលកើតហេតុ លោកមេឃុំបានជិះម៉ូតូរបស់ខ្លួនទៅផ្ទះ លោកមេភូមិស្វាយចេកតាំងពីក្បាល ព្រលប់មកម្ល៉េះ ហើយបានត្រឡប់មក វិញ ប៉ុន្ដែគ្រួសារលោកមេឃុំបានរង់ចាំ មិនឃើញលោកត្រឡប់មកផ្ទះមួយយប់ ស្មានតែលោកមេឃុំទៅសម្រាកផ្ទះមិត្ដ ភក្ដិទើបមិនដើររក ។ លុះព្រឹកឡើងប្រជា ពលរដ្ឋដែលរស់នៅក្បែរភូមិនេះបានទៅ ភ្ជួរស្រែក៏ប្រទះឃើញម៉ូតូសង្កត់លើលោក មេឃុំក្នុងប្រឡាយទឹកទើបរាយការណ៍ ទៅសមត្ថកិច្ចឱ្យជួយពិនិត្យតែម្ដង ។
លោកនាយរងប៉ុស្ដិ៍បានឱ្យដឹងថា ក្រោយពីពិនិត្យសាកសពសមត្ថកិច្ចបាន សន្និដ្ឋានថា លោកមេឃុំអាចស្លាប់ក្នុង ចន្លោះពីម៉ោង៩ទៅម៉ោង១០យប់ថ្ងៃទី១ ខែមិថុនា ឆ្នាំ២០១៣ គ្មានអ្នកដឹង ហើយ ករណីដែលលោកមេឃុំស្លាប់នេះដោយ សារគ្រោះថ្នាក់ចរាចរជិះម៉ូតូធ្លាក់ប្រឡាយខ្លួនឯង ៕
_____________________
ប្រភពពី៖ thebreakingnews
0 comments:
Post a Comment