ខេត្ដកំពង់ស្ពឺ ៖ រថយន្ដមួយគ្រឿងដែលគេប្រទះឃើញធ្លាក់ចូលក្នុងទឹកប្រឡាយក្បែរគល់ស្ពានអូក្រាំងអំបិលតាមបណ្ដោយផ្លូវជាតិលេខ៤មកដល់ពេលនេះ ម្ចាស់ នៅមិនទាន់មកទទួលយករថយន្ដនៅឡើយ ខណៈសមត្ថកិច្ចបានស្ទូចយកមក រក្សាទុកនៅអធិការដ្ឋានស្រុក ។
ហេតុការណ៍ប្រទះឃើញរថយន្ដធ្លាក់ ប្រឡាយមិនមានម្ចាស់បានកើតឡើង នៅវេលាម៉ោង៧និង១០នាទីព្រឹកថ្ងៃ ទី១៩ ខែមិថុនា ឆ្នាំ២០១៣ ស្ថិតនៅក្បែរ គល់ស្ពានអូរ ក្រាំងអំបិលក្នុងភូមិស្លា ឃុំវល្លិស ស្រុកសំរោងទង ខេត្ដកំពង់ស្ពឺ ។ រថយន្ដដែលបានធ្លាក់ចូលប្រឡាយ មានម៉ាកCOROLAពណ៌ស ពាក់ស្លាក លេខផ៥២០៥ភព២បានបែកកញ្ចក់ មុខក្រោយនិងបែកកង់ខាងក្រោយ។
រថយន្ដខាងលើធ្លាក់ចូលប្រឡាយនេះអាចធ្វើដំណើរពីលិចទៅកើតហើយអាចមានរថយន្ដធំបុកពីក្រោយបណ្ដាលឱ្យ រថយន្ដរងគ្រោះបែកកង់ក្រោយហើយ រអិលធ្លាក់តែម្ដង ។
អ្នកវិភាគខ្លះទៀតបានលើកឡើងថា រថយន្ដរងគ្រោះអាចជារថយន្ដរកស៊ីបទ ល្មើសផ្សេងៗដែលបានបើកក្នុងល្បឿន លឿនហើយបានបែកកង់ក្រោយក៏ជួប ហេតុការណ៍អាក្រក់ទៅ ។ ដែលជាហេតុ នាំឱ្យអ្នកទាំងអស់នៅក្នុងរថយន្ដមិនហ៊ានប្ដឹងសមត្ថកិច្ច ។
លោកឃុត សុផល អធិការនគរបាល ស្រុកសំរោងទងមិនទាន់ហ៊ានសន្និដ្ឋាន បែបណាទេ គ្រាន់តែបាននិយាយថានេះ ជាគ្រោះថ្នាក់ចរាចរមួយដែលមិនមាន មនុស្សរងគ្រោះបណ្ដាលឱ្យស្លាប់នៅ នឹងកន្លែងទើបបានជាទុករថយន្ដចោល បែបនេះ។
ប្រភពបន្ដថាយើង រង់ចាំមើលបន្ដទៀត ក្រែងម្ចាស់ចេញពីពេទ្យឬមានបងប្អូន បានស្គាល់មកទទួលយករថយន្ដទៅវិញ ហើយរឿងនេះក៏មិនជារឿងសាមញ្ញពេក ដែរ ដោយសារជនរងគ្រោះមិនបាន មកប្ដឹងសមត្ថកិច្ចជាមុនមុននឹងទៅពេទ្យឬទៅណានិងមិនត្រូវទុករថយន្ដចោល ដែលធ្វើឱ្យពលរដ្ឋមានការភ្ញាក់ផ្អើលបែប នេះទេ ។
បច្ចុប្បន្នរថយន្ដដែលបានធ្លាក់ចូល ប្រឡាយត្រូវបានសមត្ថកិច្ចយករថយន្ដមកស្ទូចយកមករក្សាទុកនៅអធិការដ្ឋានស្រុកសំរោងទង រង់ចាំម្ចាស់រថយន្ដមក ទទួលយកទៅប្រើប្រាស់វិញ ៕
ប្រភពពី៖ cambodiapage.info