ខេត្តកំពង់ចាម ៖ មានហេតុការណ៍ភ្ញាក់ផ្អើលមួយបានកើតឡើង កាលពីវេលាម៉ោង៩យប់ ថ្ងៃទី០៥ ខែមិថុនា ឆ្នាំ២០១៣ ស្ថិតនៅក្នុងភូមិសំរោង ឃុំទ្រៀក ស្រុកមេមត់ ដោយសារតែមានរថយន្តម៉ាកឡិចស៊ីស RX 300 ពណ៌ខ្មៅ មួយគ្រឿង បានបើកបោះពួយទៅ បុកផ្ទះប្រជាពលរដ្ឋចំនួន២ខ្នងដែលនៅជាប់គ្នា បណ្ដាលឱ្យរងការខូចខាតបាក់ទ្វារផ្ទះ និងម្ចាស់ផ្ទះរងរបួស។លោកអធិការនគរបាលស្រុកមេមត់បានឱ្យដឹងថា ជនរងគ្រោះជាម្ចាស់ផ្ទះឈ្មោះ ជី ស៊ាងលី ភេទប្រុស អាយុ៣២ឆ្នាំ ខូតខាតទ្វារដែកចំនួន៨ផ្ទាំង ខូចជញ្ជាំងទំហំ២,៥០ម៉ែត្រ គុណ ៣,៥០ម៉ែត្រ មួយផ្ទាំង របើកជញ្ជាំងក្ដារឈើ១ផ្ទាំង។ ចំណែកម្ចាស់ផ្ទះមួយទៀតឈ្មោះ ញ៉ុក ណារិន ភេទប្រុស អាយុ៥២ឆ្នាំ រងរបួសស្រាល។ ខណៈភ្លាមៗនោះដែរជនបង្កបានបើកទ្វាររត់គេចខ្លួនបាត់ស្រមោល ប៉ុន្តែត្រូវបានគេស្គាល់ថាមានឈ្មោះ អ៊ិត តៅ ភេទប្រុស អាយុ២៦ឆ្នាំ រស់នៅភូមិដំរិល ឃុំដំរិល ស្រុកអូររាំងឪ។បន្ទាប់ពីកើតហេតុសមត្ថកិច្ចបាននាំយករថយន្តទៅរក្សាទុកនៅអធិការដ្ឋាននគរបាលស្រុកមេមត់ ដើម្បីស្រាវជ្រាវតាមរកម្ចាស់៕
ប្រភពពី៖ វត្តភ្នំ
ប្រភពពី៖ វត្តភ្នំ


0 comments:
Post a Comment