ភ្នំពេញ៖ បុរសម្នាក់ត្រូវរងរបួសធ្ងន់ធ្ងរ ក្នុងពេលដែលរូបគាត់បានជិះម៉ូតូមួយគ្រឿងម៉ាកសេ ១២៥ ពណ៌ខ្មៅ ហើយត្រូវរថយន្តហ្វ័តដែលបើកបរដោយជនជាតិចិនម្នាក់បើកបុកពេញទំហឹង កាលពីវេលាម៉ោង ២២ នឹង ០០ នាទីយប់ថ្ងៃទី ០៥ ខែមិថុនា ឆ្នាំ ២០១៣ នៅចំណុចផ្លូវលេខ ១៩ កែងផ្លូវលេខ ១៧២ សង្កាត់ជ័យជំនះ ខណ្ឌដូនពេញ។
យោងតាមប្រភពព័ត៌មានពីសាក្សីដែលបានឃើញហេតុការណ៍ខាងលើនេះបានឲ្យដឹងថា មុនពេលកើតហេតុគេបានឃើញបុរសម្នាក់ជិះម៉ូតូមួយគ្រឿងម៉ាកសេ ១២៥ ពណ៌ខ្មៅ ពាក់ស្លាកលេខ ភ្នំពេញ 1AQ 3623ធ្វើដំណើរតាមបណ្តោយផ្លូវ ១៧២ ក្នុងទិសដៅពីលិចទៅកើត លុះជិះមកដល់ចំណុចកែងផ្លូវលេខ១៩ក៏ស្រាប់តែត្រូវរថយន្តរបស់ជនជាតិចិនមួយគ្រឿងម៉ាកហ្វ័ត ពណ៌ខ្មៅ ពាក់ស្លាកលេខភ្នំពេញ 2W 6404ដែលកំពុងបើកតាមបណ្តោយផ្លូវ ១៩ ក្នុងទិសដៅពីជើងទៅត្បូង បានជ្រុលបុកចំម៉ូតូពេញទំហឹងតែម្តង បណ្តាលឲ្យម្ចាសម៉ូតូដួលបោកក្បាលរងរបួសធ្ងន់ធ្ងរ ចំណែកម៉ូតូត្រូវរងការខូចខាតស្ទើទាំងស្រុង ។
សមត្ថកិច្ចបានបញ្ជាក់ថាក្រោយពីកើតហេតុរថយន្តបង្កនឹងម៉ូតូរបស់ជនរងគ្រោះត្រូវបានសមត្ថកិច្ចចុះមកអន្តរាគមន៍ធ្វើការវាស់វែងអូសយកទៅរក្សាទុកនៅអធិការដ្ឋាននគរបាលខណ្ឌដូនពេញរង់ចាំដោះស្រាយតាមផ្លូវច្បាប់ នឹងអ្នករងរបួសត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ។ គ្រោះថ្នាក់នេះបង្កឡើងដោយសារម្ចាស់រថយន្តបើកបរក្នុងល្បឿនលឿនពេក ហើយមកដល់ផ្លូវកែងមិនបន្ថយល្បឿនក៏ជ្រុលបុកចំម៉ូតូពេញទំហឹងតែម្តងទៅ ៕ជោគជ័យ
ប្រភពពី៖ ABC+
0 comments:
Post a Comment