ខេត្ដកំពត ៖ មន្ដ្រីមូលដ្ឋានបានឱ្យដឹងថា មិនមានយន្ដហោះណាមួយធ្លាក់នោះ ទេនាព្រឹកម្សិលមិញនេះ ។ យន្ដហោះ ធុនតូចនោះជារបស់កងទ័ពអាកាស បានបើកឆ្វែលតាមទំនប់វារីអគ្គិសនី កំចាយទឹកឈូហើយគ្រាន់តែបន្ទាបខ្លួន កៀកៗព្រៃប៉ុណ្ណោះមិនមែនធ្លាក់នោះទេ។
តាមប្រភពព័ត៌មាននាព្រឹកម្សិល មិញបានផ្អើលតៗគ្នាថាយន្ដហោះធុន តូចមួយបានធ្លាក់នៅក្នុងភូមិស្នំប្រាំពីរ ឃុំមាក់ប្រាំង ស្រុកទឹកឈូបង្កឱ្យមានការ ភ្ញាក់ផ្អើលជាខ្លាំង ។
ប្រជាពលរដ្ឋដែលរស់នៅក្បែរវារី អគ្គិសនីកំចាយទឹកឈូបានឱ្យដឹងថា ពួក គាត់ឃើញយន្ដហោះប្រភេទស្លាបកាត់ បានហោះបន្ទាបខ្លួនលើខ្នងទំនប់ និងលើ ផ្ទៃទឹកហើយធ្វើដំណើរតាមខ្សែខ្នងទំនប់តម្រង់ទៅភ្នំធំមួយដែលមើលទៅឃើញទាបទៅៗរួចហើយក៏បាំងភ្នំបាត់តែម្ដង។ ប្រជាពលរដ្ឋឡើងកាប់អុស និងអ្នកភូមិ មើលឃើញដូច្នេះក៏ស្មានថាយន្ដហោះ នោះធ្លាក់ ។
អាជ្ញាធរមូលដ្ឋានបានឱ្យដឹងថា យន្ដ ហោះតូចនេះជាការធ្វើលំហាត់សមយុទ្ធប៉ុណ្ណោះហើយវាតម្រង់ទៅទិសខេត្ដ ព្រះសីហនុហើយចូលទៅចតនៅព្រលានយន្ដហោះកងកេងដោយសុវត្ថភាព។ ព្រឹកមិញនេះយន្ដហោះបានបើកឆាប ឆែលនៅម្ដុំវារីអគ្គិសនីកំចាយទឹកឈូ គឺ ជាលំហាត់សមយុទ្ធរបស់ទ័ពអាកាស ដែលធ្វើឡើងរយៈពេល៥ថ្ងៃចាប់ពីថ្ងៃទី៣ ដល់ទី៧ ខែមិថុនា ឆ្នាំ ២០១៣នេះ ។ លំហាត់សមយុទ្ធផ្នែកអាកាសនេះធ្វើ ឡើងមានកម្ពុជា-ថៃ-ម៉ាឡេស៊ី និងអាមេរិក ហើយថ្ងៃទី៤ ខែមិថុនា ឆ្នាំ ២០១៣នេះ ជាថ្ងៃសមយុទ្ធទី២ហើយ ។
តាមគម្រោងស្ថានទូតអាមេរិក គ្រោងនឹងរៀបចំធ្វើសមយុទ្ធជាមួយកង ទ័ពកម្ពុជាស្ដីពីការទម្លាក់ទំនិញពីលើយន្ដហោះ ដែលនឹងធ្វើឡើងនៅថ្ងៃទី៦ ខែមិថុនា នៅទីរួមខេត្ដកំពង់ស្ពឺ ។ ក្នុងការធ្វើសមយុទ្ធនេះនឹងមានការចូលរួមពីតំណាងស្ថានទូតអាមេរិកនិងថ្នាក់ដឹក នាំកងយោធពលខេមរភូមិព្រមទាំង អាជ្ញាធរដែនដីជាច្រើនរូបទៀត ៕
ប្រភពព័ត៌មានពី៖ នគវត្ត
0 comments:
Post a Comment