ភ្នំពេញ ៖ បុរសម្នាក់ក្នុងចំណោម៥ នាក់ដែលបានបបួលគ្នាភ្នាល់ឡើងដើម ត្នោតកម្ពស់២០ម៉ែត្រ បើអ្នកណាឡើង ដល់កំពូលលឿនជាងគេ នឹងបានប្រាក់ រង្វាន់៧ម៉ឺនរៀល បើឡើងមិនដល់ទេត្រូវ ចេញប្រាក់សងអ្នកឡើងដល់កំពូល។ ប៉ុន្ដែ ជាចៃដន្យការភ្នាល់ឡើងដើមត្នោតនេះ ធ្វើឱ្យបុរសម្នាក់បាត់បង់ជីវិតដោយសារ តែឡើងដល់ពាក់កណ្ដាលដើមប៉ះចំសំបុក ឪម៉ាល់ទិចធ្លាក់ដល់ដីស្លាប់នៅពេល បញ្ជូនទៅមន្ទីរពេទ្យព្រះកុសុមៈបន្ដិច។
ហេតុការណ៍នេះកើតឡើងនៅវេលា ម៉ោង១២និង៣០នាទីរសៀល ថ្ងៃទី២៩ ខែឧសភា ឆ្នាំ២០១៣ នៅភូមិក្រាំងដូនតី សង្កាត់ចោមចៅ ខណ្ឌពោធិ៍សែនជ័យ ។
ហេតុការណ៍នេះកើតឡើងនៅវេលា ម៉ោង១២និង៣០នាទីរសៀល ថ្ងៃទី២៩ ខែឧសភា ឆ្នាំ២០១៣ នៅភូមិក្រាំងដូនតី សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះដែលបាត់បង់ជីវិតដោយ សារធ្លាក់ពីដើមត្នោតនេះមានឈ្មោះ សោ សឿ អាយុ៤៨ឆ្នាំ មុខរបររត់ម៉ូតូ ឌុប មានទីលំនៅផ្ទះលេខ២០E2 ផ្លូវ១៦៣ សង្កាត់វាលវង់ ខណ្ឌ៧មករា ។
ប្រភពព័ត៌មានពីសាក្សីបានឱ្យដឹងថា មុនពេលកើតហេតុ គឺនៅព្រឹកថ្ងៃកើត ហេតុ បុរស៥នាក់ដែលមានមុខរបររត់ ម៉ូតូឌុបនិងរត់ម៉ូតូរ៉ឺម៉កកង់៣បានបបួល គ្នាឡើងដើមត្នោតនៅក្នុងរាជធានីភ្នំពេញ ម្ដងរួចទៅហើយ ប៉ុន្ដែដោយសារតែ ដើមត្នោតនៅទីនោះទាបពេក ទើបបបួល គ្នាជិះម៉ូតូសំដៅទៅភូមិក្រាំងដូនទាវ ព្រោះនៅទីនោះមានដើមត្នោតខ្ពស់ៗ ។ ខណៈទៅដល់ ជនរងគ្រោះបានសម្រេច ឡើងដើមត្នោតកម្ពស់ជាង២០ម៉ែត្រ មុនគេ ប៉ុន្ដែជាចៃដន្យឡើងជាងពាក់ កណ្ដាលដើម ស្រាប់តែប៉ះនឹងសំបុក ឪម៉ាល់១សំបុកធំ ធ្វើឱ្យឪម៉ាល់ផ្អើលទិច ជនរងគ្រោះបណ្ដាលឱ្យជនរងគ្រោះធ្លាក់ ពីលើដើមមកដល់ដីសន្លប់ឈឹងតែម្ដង។ ពេលឃើញដូច្នេះ អ្នកភ្នាល់៤នាក់ទៀត ភ្នែកនៅកញ្ចឹងកនាំគ្នាជិះម៉ូតូគេចខ្លួន បាត់អស់ទៅ ដោយឡែកជនរងគ្រោះ ត្រូវបានគេដឹកបញ្ជូនទៅកាន់មន្ទីរពេទ្យ ព្រះកុសុមៈ ដើម្បីព្យាបាល តែដោយរបួស ធ្ងន់ធ្ងរពេក មួយសន្ទុះក្រោយមកបាន បាត់បង់ជីវិតទៅ ៕
___________
ប្រភព ពី cambodiapage.info
0 comments:
Post a Comment