ភ្នំពេញៈ អតីតបុគ្គលិកក្រុមហ៊ុន អឹមហ្វូន ដែលក្ស័យធនជិត១០០នាក់បានចាប់ផ្តើមធ្វើបាតុកម្មសារជាថ្មីម្តង ទៀតនៅព្រឹកថ្ងៃពុធនេះទៀត នៅមុខការិយាល័យកណ្តាលក្រុមហ៊ុន ដើម្បីទាមទារសំណងប្រាក់អតីតភាពការងារនិងប្រាក់សំណងផ្សេងៗ ដែលក្រុមហ៊ុនជំពាក់បុគ្គលិក មិនទាន់បានដោះស្រាយ។
អតីតបុគ្គលិកក្រុមហ៊ុន អឹមហ្វូន និង ជាតំណាងពីសហភាពការងារកម្ពុជា (CLC) បានឲ្យដឹងថា បុគ្គលិកបានមកប្រមូលផ្តុំគ្នា ដើម្បីឲ្យសារធារណជនបានដឹងថា ពួកគេពិតជាត្រូវការប្រាក់សំណងជាចាំបាច់សម្រាប់ដោះស្រាយការ ចំណាយផ្សេងៗប្រចាំថ្ងៃ។
ពួកគេបានឲ្យដឹងថា៖ «យើងនឹងបន្តទាមទាររហូតដល់ដំណោះស្រាយសមស្របណាមួយត្រូវបានផ្តល់ ឲ្យ។ នៅថ្ងៃស្អែកនិងថ្ងៃបន្ទាប់នឹងមានអ្នកចូលរួមកាន់តែច្រើន ព្រោះមានអ្នកមកពីតាមខេត្តនានាជាច្រើនទៀត»។
បើតាមលោក ញឹម វណ្ណៈ អតីតបុគ្គលិកក្រុមហ៊ុន អឹមហ្វូន និង ជាតំណាងពីសហភាពការងារកម្ពុជា (CLC) ចំនួនបុគ្គលិកត្រូវទទួលសំណងពីក្រុមហ៊ុនមានចំនួន ១០៩២ នាក់ ដែលគិតជាទឹកប្រាក់សរុបក្រុមហ៊ុនត្រូវសងមានប្រមាណ ៤,៤ លានដុល្លារ។
____________________ប្រភព ពី ភ្នំពេញ ប៉ុស្តិ៍
0 comments:
Post a Comment