ភ្នំពេញ ៖ បុរសពីរនាក់បានរងរបួសធ្ងន់ធ្ងរ នឹងម្នាក់ទៀតរងរបួសស្រាល ក្នុងខណៈ ពួកគេបានរួមដំណើរជាមួយគ្នាក្នុងរថយន្តកាមរីឆ្លាមមួយគ្រឿង ដោយអ្នកបើកបរបានបើកយ៉ាងលឿនតាម បណ្តោយផ្លូវជាតិលេខ ១ ហើយជ្រុលបុកបង្គោលភ្លើងនៅជិតស្តុបច្បារអំពៅបាក់អស់មួយដើម កាលពីវេលាម៉ោង ២៤ នឹង ៣០ នាទីយប់ថ្ងៃទី ២១ ខែឧសភាឆ្នាំ ២០១៣ នៅចំណុចភូមិដើមអម្ពិល សង្កាត់ច្បារអំពៅទី១ ខណ្ឌមានជ័យ ។
សមត្ថកិច្ចបានឲ្យដឹងថាមុនពេលកើតហេតុមានបុរសបីនាក់បានបើករថយន្តមួយគ្រឿងម៉ាកកាមរីឆ្លាម ពណ៌ស្ករ ពាក់ស្លាកលេខ ភ្នំពេញ 2M 9980 ធ្វើដំណើរតាមបណ្តោយផ្លូវជាតិលេខ ១ក្នុងទិសដៅពីលិចទៅកើតគឺពីភ្នំពេញឆ្ពោះទៅស្រុកកៀនស្វាយ ដោយពួកគេបានបើករថយន្ត យ៉ាងលឿន លុះមកដល់ចំណុចកើតហេតុទំនងជាពួកគេងងុយដេកខ្លាំងពេក ក៏បណ្តាលឲ្យរេចង្កូតរថយន្តទៅបុកបង្គោលថ្មដាក់ខ្សែភ្លើងពេញទំហឹងតែម្តង ។ ប្រភពដដែលបានបន្តថា ក្នុងហេតុការណ៍រថយន្តបង្កហេតុត្រូវបង្គោលភ្លើងបាក់រលំសង្កត់ពីលើ បណ្តាលឲ្យអ្នកនៅក្នុងរថយន្តបីនាក់ មានពីរនាក់រងរបួសធ្ងន់ធ្ងរ នឹងម្នាក់ទៀតរងរបួសស្រាល ចំណែករថយន្តត្រូវរងការខូតខាតទាំងស្រុងតែម្តង។
ប្រភព ពី http://abcnonstop.net/
0 comments:
Post a Comment