ខេត្ដកំពង់ឆ្នាំង ៖ យុវជនជនជាតិវៀតណាមម្នាក់បានស្លាប់នៅក្នុងពាង ខណៈ ចុះមុជទឹកស្រាយចំណងយុថ្កាដើម្បីរំកិលផ្ទះបណ្ដែតទឹក ។ ហេតុការណ៍នេះ បានកើតឡើងកាលពីថ្ងៃទី២២ខែឧសភា ឆ្នាំ២០១៣ នៅភូមិកណ្ដាល សង្កាត់កំពង់ឆ្នាំង ក្រុងកំពង់ឆ្នាំង ។
ជនរងគ្រោះដែលស្លាប់ក្នុងពាងក្រោមផ្ទះបណ្ដែតទឹកនេះមានឈ្មោះ ង្វៀង យ៉ាំងថាន់ អាយុ១៧ឆ្នាំ ជាជនជាតិវៀតណាម រស់នៅក្នុងភូមិឃុំកើតហេតុខាងលើ ។
ក្រុមគ្រួសាជនរងគ្រោះបានឱ្យដឹងថា នៅមុនពេលកើតហេតុឈ្មោះង្វៀងយ៉ាំងថាន់ បានចុះទៅមុជទឹកស្រាយចំណងយុថ្ការំកិលផ្ទះបណ្ដែតទឹករបស់ខ្លួន ហើយនៅពេលចុះទៅក៍ស្រាប់តែបាត់ឈឹងតែម្ដង ។ ដោយមានការសង្ស័យ ក្រុមគ្រួសារក៍នាំចុះរាវរកមើលក៏ប៉ះជនរងគ្រោះបានដាច់ខ្យល់ស្លាប់នៅក្នុងពាងបាត់ទៅហើយ ។ ក្រោយពេលឃើញសាកសពជនរងគ្រោះក៍នាំគ្នាយកមកលើគោក ហើយរាយការណ៍ទៅសមត្ថកិច្ច។
គារស្លាប់នេះគេសង្ស័យថា ជនរងគ្រោះចុះទឹកមុជទៅក្បែរពាងដែលគេដាក់នៅក្រោមផ្ទះបណ្ដែតទឹក ហើយក៍ត្រូវកួចចូលក្នុងពាងនេះស្លាប់តែម្ដង ៕
ប្រភព cambodiapage.info
0 comments:
Post a Comment