ប៉ោយប៉ែត ៖ សិស្សវិទ្យាល័យប៉ោយប៉ែត២ក្រុម មួយក្រុមជាសិស្សស្រី និងមួយក្រុមទៀតជាសិស្សប្រុសបានណាត់ វាយគ្នាយ៉ាងសាហាវធ្វើឱ្យផ្អើលដល់លោកគ្រូ អ្នកគ្រូចេញមកធ្វើអន្ដរាគមន៍។
ឆាកប្រយុទ្ធរវាងសិស្សស្រីនឹងសិស្ស ស្រី សិស្សប្រុសនិងសិស្សប្រុសនេះបាន កើតឡើងនៅវេលាម៉ោង២និង២០នាទី រសៀលថ្ងៃទី២៩ ខែឧសភា ឆ្នាំ២០១៣ នៅមុខវិទ្យាល័យប៉ោយប៉ែត ស្ថិតក្នុង ភូមិបាលិលេយ្យមួយ សង្កាត់-ក្រុង ប៉ោយប៉ែត ខេត្ដបន្ទាយមានជ័យ ។
សិស្សប្រុស ស្រីដែលឈរមើលឆាក ប្រយុទ្ធបាននិយាយថា ការដែលសិស្ស ទាំង២ក្រុមណាត់វាយគ្នានេះ ព្រោះតែ មានជម្លោះពាក្យសម្ដីបន្ដិចបន្ដួចប៉ុណ្ណោះ។
សិស្សប្រុសម្នាក់មិនបញ្ចេញឈ្មោះ បាននិយាយថា ជម្លោះពួកគេផ្ដើមចេញ ពីស្នេហា សិស្សប្រុសស្រឡាញ់សិស្ស ស្រី សិស្សស្រីស្រឡាញ់សិស្សប្រុស ញ៉ែ ជាន់លេខរៀងគ្នា ប៉ុន្ដែការដេញវាយតប់ គ្នានោះមិនបណ្ដាលមានអ្នកសិស្សណា ម្នាក់រងរបួសធ្ងន់នោះទេ ។
ឆាកប្រយុទ្ធរវាងក្រុមសិស្សនឹងសិស្ស ស្រី ក្រុមសិស្សប្រុសនិងប្រុសត្រូវបាន លោកគ្រូ អ្នកគ្រូចេញមកទប់ស្កាត់ទាន់ ម្ល៉េះសិស្សទាំងនេះប្រាកដជាវាយគ្នាអាច បណ្ដាលឱ្យស្លាប់ម្ខាងៗជាមិនខាន ។ ក្រោយពីការបន្ដភាពអនាធិបតេយ្យរវាង សិស្សស្រី សិស្សប្រុសខាងលើនេះ សមត្ថ កិច្ចក្រុងប៉ោយប៉ែតបានឱ្យដឹងថា សមត្ថ កិច្ចនឹងស្រាវជ្រាវរកក្រុមសិស្សដែល បានវាយគ្នាដើម្បីយកមកណែនាំ ចៀស វាងភាពអនាធិបតេយ្យនៅក្នុងក្រុងប៉ោយ ប៉ែតបន្ដទៀត ។
គួររំលឹកថា កាលពីជាង១ខែមុនសិស្ស ២ក្រុមនៅវិទ្យាល័យប៉ោយប៉ែតបានជិះ ម៉ូតូដេញកាប់ចាក់គ្នាតាមផ្លូវបេតុង បង្កភាពអនាធិបតេយ្យភ្ញាក់ផ្អើលដល់ ប្រជាពលរដ្ឋដូចជាករណីខាងលើនេះ ដែរ ។
មហាជនបានរិះគន់ថា ការដែលក្រុម សិស្សណាត់វាយគ្នាជាញឹកញាប់ គឺដោយ សារភាពធូររលុងលើវិន័យរបស់លោក គ្រូអ្នកគ្រូនៅក្នុងវិទ្យាល័យមួយនេះ ។ ម្យ៉ាងទៀតក៏ជាភាពកំសោយរបស់អាណា ព្យាបាលសិស្សដែលចូលចិត្ដធ្វើចរិត ពាលនេះដែរ ។ ដូច្នេះអាណាព្យាបាលក៏ គួរអប់រំទូន្មានកូន ហើយប្រសិនបើលោក គ្រូអ្នកគ្រូ ធ្វើវិន័យដល់កូនៗរបស់ខ្លួនក៏ គួរតែមិនត្រូវខឹងដល់លោកគ្រូអ្នកគ្រូ នោះទេ ព្រោះការទូន្មានរបស់លោកគ្រូ អ្នកគ្រូ យើងត្រូវចាត់ទុកថា ជាឪពុក ម្ដាយទី២របស់ពួកគេ ៕
_______________-ប្រភព ពី cambodiapage.info
0 comments:
Post a Comment