ភ្នំពេញ ៖ ស្ត្រីវ័យជាង២០ឆ្នាំម្នាក់ បានបង្ខំចិត្តព្យាយាមលោតសម្លាប់ខ្លួនពីជាន់ទី៦ ដោយសារតែខឹង សម្បាទៅនឹងប្តីរបស់ខ្លួនផឹកស៊ីស្រវឹង រួចហើយស្តីបន្ទោស និងឡូឡា ប៉ុន្តែប្រហែលជាប្តីអង្វរករ ទើប កន្លះម៉ោងក្រោយមកស្ត្រីរូបនេះសុខចិត្តចូលទៅក្នុងផ្ទះវិញ ។
ហេតុការណ៍ស្ត្រីប៉ងលោតសម្លាប់ខ្លួនពីផ្ទះជាន់ទី៦ បានកើតឡើងកាលពីវេលាម៉ោង៩និង១៥នាទី ព្រឹក ថ្ងៃទី៣០ ខែឧសភា ឆ្នាំ២០១៣ ឋិតនៅតាមបណ្តោយផ្លូវកម្ពុជាក្រោម ផ្ទះជាន់ទី៦ ខាងលើហាង យីហោ សុខអ៊ីម លក់បបរស មីឆា ទល់មុខផ្សារទំនើបប៊ីអេស សង្កាត់មនោរម្យ ខណ្ឌ៧មករា ។
សាក្សីនៅកន្លែងកើតហេតុ បានឲ្យដឹងថា នៅវេលាម៉ោងខាងលើ គេបានឃើញស្ត្រីរូបនេះបានចេញ មកអង្គុយទម្លាក់ជើងពីមុខផ្ទះជាន់ទី៦ ប្រុងលោតសម្លាប់ខ្លួន ហើយមនុស្សដ៏ច្រើនកុះករបានឃើញ ពីតិដ្ឋភាពនេះ ម្នាក់ៗគ្មានសង្ឃឹមថា នឹងរស់ប្រសិនបើស្ត្រីរូបនេះបង្ខំចិត្តលោតពីលើជាន់ទី៦នេះ ។
បើតាមការអះអាងពីអ្នកជិតខាង ក៏ដូចជាការដកស្រង់សម្តីរបស់សមត្ថកិច្ច បានបញ្ជាក់ថា ស្ត្រីរូបនេះ អាចខឹងទៅនឹងប្តីរបស់ខ្លួន ដែលបានផឹកគ្រឿងស្រវឹងកាលពីយប់ និងបង្កបញ្ហាស្តីបន្ទោស កកើតទៅ ជារឿងក្តីក្រហាយតូចចិត្តនិងគិតខ្លីផង ក៏សម្រេចប៉ងលោតពីជាន់ទី៦សម្លាប់ខ្លួន ដែលជាការគំរាម ដល់ប្តីកំហូចនោះ ។ ប៉ុន្តែសំណាងល្អ ដោយសារតែស្ត្រីរូបនេះវិលទៅរកផ្លូវល្អ ឬ ក៏មានការអង្វរណាណាមួយពីភាគីខាងប្តី សាច់ញាតិ ក្រុមគ្រួសារ នាងក៏បានសម្រេចចិត្តបោះបង់ការសម្លាប់ខ្លួនដើរចូល ទៅផ្ទះវិញ បន្ទាប់ពីមានការភ្ញាក់ពីការប៉ងសម្លាប់ខ្លួនរយៈពេលជិតកន្លះម៉ោងរួចមក ៕
______________________ប្រភព ពី cambodiapage.info
0 comments:
Post a Comment