ខេត្តកំពង់ឆ្នាំង៖ រថយន្តហ៊ីយ៉ាន់ដាយមួយគ្រឿងបោះពួយទៅបុករះដើមអាកាស្យាបាក់អស់៧ដើម ហើយក្រឡាប់ចូលក្នុងប្រឡាយ ខណៈអ្នកបើកបរដេកលក់មួយភាំង។ ហេតុការណ៍នេះបានកើតឡើងកាលពីម៉ោង១៥និង២៧នាទីរសៀល ថ្ងៃទី២៧ ខែឧសភា ឆ្នាំ២០១៣ ត្រង់ចំណុចចន្លោះគីឡូម៉ែត្រលេខ៩០និងលេខ៩១ លើកំណាត់ផ្លូវជាតិលេខ៥ ស្ថិតក្នុងភូមិស្ពករាជ ឃុំអណ្តូងស្នាយ ស្រុករលាប្អៀរ។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុគេឃើញរថយន្តហ៊ីយ៉ាន់ដាយមួយគ្រឿង ពណ៌ស ពាក់ស្លាកលេខ ភ្នំពេញ 3B-7482 បើកដោយបុរសម្នាក់លឿនដូចហោះ តាមបណ្តោយផ្លូវជាតិលេខ៥ ក្នុងទិសដៅពីត្បូងទៅជើង លុះទៅដល់ចំណុចកើតហេតុ ស្រាប់តែអ្នកបើកបរដេកលក់មួយភាំងក្នុងរថយន្ត បណ្ដាលរេចង្កូតទៅខាងស្តាំ បុករះដើមអាកាសស្យាបាក់អស់ជា៧ដើម ហើយក្រឡាប់ចូលប្រឡាយ បណ្តាលឲ្យរថយន្តខូចខាតផ្នែកខាងមុខស្ទើរទាំងស្រុង។
ក្រោយកើតហេតុភ្លាម អ្នកបើកបរបានរត់គេចខ្លួនបាត់ បន្សល់ទុករថយន្តហ៊ីយ៉ាន់ដាយនៅកណ្តាលព្រៃ និងត្រូវប្រជាពលរដ្ឋជាច្រើនចោមរោមមើល៕
ប្រភព www.ann.com.kh
0 comments:
Post a Comment