ភ្នំពេញ ៖ បើទោះជាមានករណីបង្ក្រាប ចាប់ទីតាំងម៉ាស្សាលួចជួញដូរផ្លូវភេទ ជាច្រើនកន្លែងក៏ដោយ ប៉ុន្ដែកន្លែងខ្លះ សមត្ថកិច្ចហាក់ដូចជាពុំហ៊ានប៉ះពាល់ បន្ទាប់ពីមានសមត្ថកិច្ច និងអាជ្ញាធរ បានទទួលផលប្រយោជន៍ ក៏ដូចជាមាន អ្នកមានអំណាចខ្លះនៅពីក្រោយខ្នង ។
អ្នកដែលធ្លាប់ភ្លក្សម្ហូបក្រៅផ្ទះធ្លោយ ឱ្យដឹងថា ទីតាំងម៉ាស្សា២៥២ជាប់នឹង ក្លិបប៊ូម អតីតសណ្ឋាគារយ៉ាងចូវ គឺមាន សេវាបម្រើផ្លូវភេទដែលមាននារីស្រស់ ស្អាត និងតម្លៃសមរម្យ ចាប់ពី៤០ដុល្លារ ដល់៥០ឬ៧០ដុល្លារ ក្នុងនោះមានទាំង ខ្មែរនិងវៀតណាម ។
បើតាមប្រភពពីសមត្ថកិច្ចខ្លះដែល សុំមិនបញ្ចេញឈ្មោះបញ្ជាក់ថា មាន នាយនគរបាលស័ក្ដិកន្លះមួយរូបធ្វើការ នៅក្រសួងមហាផ្ទៃដែលមានរហស្សនាម សំរឹទ្ធ៦ គឺជាអ្នកកាន់កាប់មើលការខុស ត្រូវចេញមុខការពារកន្លែងម៉ាស្សា ២៥២ ដែលបើកសេវាជួញដូរផ្លូវភេទនេះ ប៉ុន្ដែ នគរវត្ដមិនអាចទាក់ទងបានទេពីលោក ស័ក្ដិ៤កន្លះខាងលើ ដោយគ្មានលេខ ទូរស័ព្ទ ។
លោក កែវ ធា ប្រធានការិយាល័យ ប្រឆាំងការជួញដូរមនុស្ស និងការពារ អនីតិជននៃស្នងការដ្ឋាននគរបាលរាជ ធានីភ្នំពេញ បានប្រាប់នគរវត្ដតាមទូរស័ព្ទ កាលពីព្រឹកថ្ងៃទី១ខែមិថុនាឆ្នាំ២០១៣ ថា តាមពិតកន្លែងហ្នឹងដូចជាខាងសមត្ថ កិច្ចរបស់ខ្ញុំបានចុះចាប់ម្ដងរួចហើយ តែបើមានលួចបើកសេវាបម្រើផ្លូវភេទ បន្ដទៀត ខ្ញុំនឹងចាត់វិធានការដាក់កម្លាំង ស៊ើបអង្កេតដើម្បីឈានដល់ការបង្ក្រាប។
ដោយឡែក លោក សុខ សម្បត្ដិ អភិបាលនៃគណៈអភិបាលខណ្ឌដូនពេញ បាន មានប្រសាសន៍ថា ចំពោះការបើកបម្រើ សេវាផ្លូវភេទមិនត្រូវបានអនុញ្ញាត ប៉ុន្ដែ ដោយលោកមានភារកិច្ចកំពុងជាប់ចុះ មកខេត្ដព្រះវិហារ លោកអភិបាលបាន បញ្ជាក់ថា ចាំត្រឡប់មកវិញលោកនឹង តម្រូវឱ្យមន្ដ្រូីមូលដ្ឋាននិងសមត្ថកិច្ចធ្វើ ការក្នុងរឿងនេះឱ្យខាងតែបាន ។
ការជួញដូរផ្លូវភេទគឺជាបទល្មើសឧក្រិដ្ឋ មួយរយៈកន្លងទៅនេះ ស្ថាប័នពាក់ព័ន្ធ បានចុះបង្ក្រាបទីតាំងជាច្រើនកនន្លែងនៅ ក្នុងរាជធានីភ្នំពេញ ទទួលបានលទ្ធផល វិជ្ជមាន ប៉ុន្ដែទីតាំងមួយចំនួនទៀតលួច បើកអាជីវកម្មបម្រើអាជីវកម្មផ្លូវភេទ បែបនេះច្រើនតែជ្រកក្រោមហាងម៉ាស្សា ដែលជាការបន្លំភ្នែកសមត្ថកិច្ច ដូច្នេះ អាជ្ញាធរនិងសមត្ថកិច្ចពាក់ព័ន្ធគួរមាន វិធានការចុះអង្កេតស្រាវជ្រាវឈានដល់ ការលុបបំបាត់សកម្មភាពការជួញដូរផ្លូវ ភេទ ដែលប្រឆាំងទៅនឹងច្បាប់របស់រដ្ឋ ព្រោះទីតាំងបែបនេះ ភាគច្រើនមាន សមត្ថកិច្ចនៅពីក្រោយខ្នង ដែលងាយនឹង ធ្វើការបង្ក្រាប ប្រសិនបើស្គាល់អត្ដ សញ្ញាណជននោះធ្វើការនៅអង្គការណាពិតប្រាកដ ៕
_____________________ប្រភពពី៖ cambodiapage.info
0 comments:
Post a Comment