ភ្នំពេញៈយុវជនម្នាក់សម្រេចចិត្តលោតពីលើស្ពានជ្រោយចង្វាធ្វើអត្តឃាតខ្លួនឯង ក្នុងខណ:សុំលុយម្តាយទិញម៉ូតូថ្មីមិនបាន។ ហេតុការណ៍នេះភ្ញាក់ផ្អើលការវេលាម៉ោង៦នឹង២០នាទីព្រឹកថ្ងៃទី២៥ ខែឧសភា ឆ្នាំ២០១៣នៅលើស្ពានជ្រោយចង្វា សង្កាត់ជ្រោយ ចង្វា ខណ្ឌឬស្សីកែវ។
សមត្ថកិច្ចមូលដ្ឋានបានឲ្យដឹងថាយុវជនដែលគិតខ្លីខាងលើនេះមានឈ្មោះ ឈាង វុធ អាយុ២៥ឆ្នាំ ស្នាក់ នៅផ្ទះលេខ១០៨ សង្កាត់ទួលទំពូងទី១ ខណ្ឌចំការមន ។ សមត្ថកិច្ចបានបន្តថាការប៉ងធ្វើអត្តឃាត់របស់យុវជនខាងលើនេះមិនបានសម្រេចទេ ដោយសារពេលរូបគេលោតចូលទៅក្នុងទឹកបែរជារូបគេស្រវេស្រវ៉ាហែលទឹកឡើងគោកទៅវិញ។ សកម្មភាពនេះគឺដោយសាររូបគេមិនបានគិតវែងឆ្ងាយ។ ទង្វើរបស់យុវជនឈ្មោះ ឈាង វុធ ត្រូវមហាជនជាច្រើននាក់ធ្វើការរិះគន់យ៉ាង ព្រោះជននេះយកជីវិតដែលម្តាយជាអ្នកបង្កើត មកគំរាមម្តាយខ្លួនឯងទាមទារប្រាក់រហូតដ៏ទៅ៣០០ដុល្លារ យកទៅទិញរបស់ប្រើតាមតម្រូវចិត្ត ដោយមិនថាម្តាយឪពុកពិបាកក្នុងការរកកំរៃ។
តាមការរៀបរាប់របស់យុវជនគិតខ្លីខាងលើនេះបានឲ្យដឹងថា មូលហេតុដែលខ្លួនសម្រេចចិត្តធ្វើអត្តឃាតខ្លួនឯងនេះ ដោយតូចចិត្តខឹងសុំប្រាក់ម្តាយចំនួន៣០០ដុល្លារយកទៅទិញម៉ូតូថ្មីមិនបាន។ បន្ទាប់មានហេតុការណ៍ភ្ញាក់ផ្អើលនេះសមត្ថកិច្ចបានទំនាក់ទំនងទៅក្រុមគ្រួសាររបស់យុវជនខាងលើនេះ ឲ្យមកទទួលយកធ្វើការអប់រំកុំឲ្យមានអារម្មណ៍មកធ្វើអ្វីឆ្គួត ដូចពេលនេះ ៕ ដោយជោគជ័យ
ប្រភព ABC +
តាមការរៀបរាប់របស់យុវជនគិតខ្លីខាងលើនេះបានឲ្យដឹងថា មូលហេតុដែលខ្លួនសម្រេចចិត្តធ្វើអត្តឃាតខ្លួនឯងនេះ ដោយតូចចិត្តខឹងសុំប្រាក់ម្តាយចំនួន៣០០ដុល្លារយកទៅទិញម៉ូតូថ្មីមិនបាន។ បន្ទាប់មានហេតុការណ៍ភ្ញាក់ផ្អើលនេះសមត្ថកិច្ចបានទំនាក់ទំនងទៅក្រុមគ្រួសាររបស់យុវជនខាងលើនេះ ឲ្យមកទទួលយកធ្វើការអប់រំកុំឲ្យមានអារម្មណ៍មកធ្វើអ្វីឆ្គួត ដូចពេលនេះ ៕ ដោយជោគជ័យ
ប្រភព ABC +
0 comments:
Post a Comment