ភ្នំពេញ៖ហេតុការណ៍គ្រោះថ្នាក់ចរាចរណ៍មួយដែលបង្កឡើងដោយសាររថយន្តឡិចស៊ិស RX៤៧០ ពណ៌ស្ករ ពាក់ស្លាកលេខភ្នំពេញ 2K 5379 បុករះជាបន្តបន្ទាប់នៅចំណុចមុខផ្ទះលេខ២៦ ផ្លូវ៣១០សង្កាត់ទួលស្វាយព្រៃទី១ ខណ្ឌ ចំការមន កាលពីវេលាម៉ោង៩ព្រឹកថ្ងៃទី២៦ ខែឧសភា ឆ្នាំ២០១៣ ។ បុរសរងគ្រោះថ្នាក់ដល់អាយុជីវិតខាងលើ ឈ្មោះគង់ សារឹម អាយុ ៦៦ឆ្នាំស្នាក់នៅផ្ទះលេខ 84c ផ្លូវលេខ២១០ សង្កាត់ទឹកល្អក់ទី៣ ខណ្ឌ ទួលគោក ។
មុនជួបគ្រោះថ្នាក់បុរសរងគ្រោះបានជិះម៉ូតូសង់កូរ៉េឌុបប្រពន្ធនិងចៅប្រុសម្នាក់ធ្វើដំណើរតាមផ្លូវលេខ៣១០ ក្នុងទិសដៅពីកើតទៅលិចហើយក៏ត្រូវរថយន្តបង្កដែលបើកបរតាមផ្លូវលេខ៣១០ក្នុងទិសដៅពីលិចទៅកើតជ្រុលល្បឿនបុករះរ៉ឺម៉កម៉ូតូកង់បីក្រឡាប់មួយគ្រឿងហើយជ្រុលទៅបុករ៉ឺម៉កម៉ូតូដឹកបន្លែនិងបុករថយន្តពីរគ្រឿងផ្សេងទៀតមួយគ្រឿងម៉ាកសីអរវី ហើយមួយគ្រឿងទៀតម៉ាកហាយឡេនឌ័របណ្ដាលឲ្យរងការខូតខាតទើបរថយន្តបង្កជ្រុលទៅបុកម៉ូតូអ្នករងគ្រោះបណ្ដាលឲ្យដួលចូលក្រោមកង់រថយន្តកិនក្បាលបែកស្លាប់យ៉ាងអាណោចអាធ័មបំផុត។
ចំពោះហេតុការណ៍ខាងលើនេះនគរបាលមូលដ្ឋានសហការជាមួយនគរបាលជំនាញចុះវាស់វែងឃាត់អ្នកបើកបររថយន្តឡិចស៊ិស៤៧០រួមជាមួយរថយន្តបង្កនិងរថយន្តដែលរងការខូតខាតនាំមកកាន់ការិយាល័យជំនាញចាត់ការតាមច្បាប់៕ ដោយ ជោគជ័យ
ប្រពភ ABC +
0 comments:
Post a Comment