ប្រមុខដឹកនាំរដ្ឋាភិបាលបានចោទគណបក្សសង្គ្រោះជាតិថា នាំយករបបខ្មែរក្រហមវិលមកជាថ្មី បើបក្សប្រឆាំងឈ្នះការបោះឆ្នោតសភាអាណត្តិទី៥ ខាងមុខនេះ។
.jpg)
ប៉ុន្តែការចោទនេះ ត្រូវបានមេដឹកនាំបក្សប្រឆាំងប្រតិកម្មតបថា គណបក្សប្រជាជនកម្ពុជា របស់លោក ហ៊ុន សែន ទៅវិញទេដែលដឹកនាំប្រទេសតាមរបបខ្មែរក្រហម ព្រោះបានអនុវត្តគោលនយោបាយបណ្ដេញប្រជាពលរដ្ឋចេញពីលំនៅឋាន និងដីធ្លីដែលគេកំពុងរស់នៅទាំងបង្ខំ។
ថ្លែងនៅក្នុងពិធីសម្ពោធសមិទ្ធផលនានា នៅខេត្តកែប ព្រឹកថ្ងៃពុធ ទី២២ ខែឧសភា លោកនាយករដ្ឋមន្ត្រី ហ៊ុន សែន ថ្លែងថា មុខរបបខ្មែរក្រហមនឹងវិលមកវិញ បើបក្សសង្គ្រោះជាតិនេះឈ្នះការបោះឆ្នោត នាខែកក្កដា ខាងមុខ។
លោកបន្តថា សញ្ញាណនៃបញ្ហានេះដោយសារគណបក្សប្រឆាំងបានឃោសនាសន្យានឹងលុបបំណុលរបស់ប្រជាពលរដ្ឋដែលជំពាក់ធនាគារចោលទាំងស្រុង៖ «អ៊ីចឹងខ្ញុំករុណាខ្ញុំថា របបអាពតនឹងមកដល់។ មូលហេតុងាយយល់ដូច្នេះ ឥឡូវបើបងប្អូនទាំងឡាយដើរជំពាក់ធនាគារ បែរជាជឿសម្ដីខ្សឹបខ្សៀវ ឬឃោសនាថា នៅពេលដែលគេឈ្នះគេនឹងលុបចោលបំណុល។ តើគេត្រូវធ្វើអីមុនដើម្បីឲ្យលុបបំណុលបាន? ដំបូងបំផុតគេធ្វើដូចអាពត គឺបានសេចក្ដីថា រំលំចោលធនាគារនៅទីក្រុងភ្នំពេញ ច្បាប់ធនាគារអីត្រូវរំសាយចោលទាំងអស់សិន»។
ប្រមុខដឹកនាំសង្កត់ធ្ងន់ថា បើសិនជាមានការលុបចោលបំណុលរបស់អ្នកជំពាក់ធនាគារ ដូចបក្សប្រឆាំងសន្យាមែននោះ នោះមិនខុសពីរបប ប៉ុល ពត ទេ ព្រោះមុននឹងឈានទៅលុបបំណុលបានទាល់តែលុបចោលនូវច្បាប់នានាពាក់ព័ន្ធនឹងធនាគារជាមុន។ចុចអានបន្ត
0 comments:
Post a Comment