តារាចម្រៀងយក់ថិតរដ្ឋាមានការពាក់ព័ន្ធដូចម្ដេចទៅនឹងករណីទំនាស់រវាងម្ចាស់ក្រុមGlobal News និង account ឈ្មោះ Ra David ក្នុងហ្វេសប៊ុក ?

9:38 PM

Admin

លោក Michael Rothy ជាម្ចាស់ Group ដ៏ល្បីមួយក្នុងបណ្ដាញសង្គមហ្វេសប៊ុកដ៏ពេញនិយមនៅកម្ពុជា មានសមាជិកចំនួន១៩៣.៥៧៦នាក់ ឈ្មោះព័ត៌មានសកល“Global News” និងជាអតីតម្ចាស់ Group ឈ្មោះព័ត៌មានសង្គម“Social News”បានធ្វើការបកអាក្រាត Account Facebook មួយឈ្មោះ Ra David ជាសមាជិកក្រុម ដែលបង្កទំនាស់ជាមួយម្ចាស់ក្រុមព្រោះតែរឿងជាប់ទាក់ទងទៅនឹងតារាចម្រៀងអ្នកនាង យក់ ថិតរដ្ឋា ។

ករណីទំនាស់ក្នុងហ្វេសប៊ុកបានកើតឡើងរវាង Account Facebook មួយឈ្មោះ Ra David ជាសមាជិកក្រុម ជាមួយប្រធានក្រុម Global News កាលពីវេលាម៉ោង២៣និង៤០នាទីយប់ នាថ្ងៃទី០៥ ខែសីហា ឆ្នាំ២០១៣ម្សិលមិញ បន្ទាប់ពីលោក Michael Rothy បានចេញវិធានការឱ្យសមាជិកក្រុមទាំងអស់កុំ Post នូវអ្វីដែលមិនសមរម្យ ដូចជារូបភាពកាត់តមានលក្ខណៈប្រមាថមើលងាយប៉ះពាល់កម្រិតលើមធ្យម ឬធ្ងន់ធ្ងរដល់បុគ្គលកុំ Post នូវព័ត៌មានមិនពិត បំផ្លើស ឬព័ត៌មានទាំងឡាយដែលប៉ះពាល់ដល់សន្ដិសុខ សណ្ដាប់ធ្នាប់សង្គម និងសូមឱ្យការបញ្ចេញមតិ“Comment”ប្រកបដោយសុជីវធម៌ មានការគោរពគ្នាទៅវិញទៅមក និង ប្រកបដោយការទទួលខុសត្រូវខ្ពស់…។ល។ បើមិនអនុវត្ដន៍តាមការណែនាំនេះទេ ក្នុងនាមជាប្រធានក្រុម លោកនឹងធ្វើការព្រមាន ឬដកអ្នកដែលបង្កភាពរញ៉េរញ៉ៃចេញពីក្រុមតែម្ដង ។

វិធានការរបស់លោក Michael Rothy បែបនេះបានបង្កឱ្យមានប្រតិកម្មរិះគន់ត្រឡប់មកវិញពី Account Facebook ដែលជាសមាជិកក្រុមមួយឈ្មោះ Ra David ។

ពាក់ព័ន្ធនឹងសាច់រឿងទំនាស់នេះ ត្រូវបានលោក Michael Rothy បញ្ជាក់ក្នុងហ្វេសប៊ុកថា Account Facebook ឈ្មោះ Ra David ធ្លាប់ពឹងពាក់លោកឱ្យជួយមើលបញ្ហា Page របស់តារាចម្រៀង យក់ ថិតរដ្ឋា ដែល Fan Page “ចំនួនអ្នកLikeគាំទ្រPage”ចេះតែធ្លាក់ចុះខុសប្រក្រតី ប៉ុន្ដែលោកមិនអាចជួយបាន ហើយចាប់ពីពេលនោះមក Account Facebook ឈ្មោះ Ra David នេះចេះតែបង្កបញ្ហាជាមួយលោករហូត ។

តាមការឆ្លើយឆ្លងក្នុងហ្វេសប៊ុក គឺAccount ឈ្មោះRa Davidបានបញ្ជាក់ថា ខ្លួនធ្លាប់ស្អប់ក្រុមGlobal Newsចាប់តាំងពីមានគេ Remove ខ្លួនចេញពីក្រុមលើកទី១ដោយគ្មានមូលហេតុមកម្ល៉េះ“ធ្លាប់ Remove រហូតដល់ទៅ៣ដង”ហើយ Account ឈ្មោះ Ra David នេះបានបញ្ជាក់ដែរថា កុំយកឈ្មោះអ្នកនាង យក់ ថិតរដ្ឋា មកភ្ជាប់ជាមួយទៀតផង។

សូមបញ្ជាក់ជូនថា តារាចម្រៀង យក់ ថិតរដ្ឋា មានទំព័រ“Page”ក្នុងហ្វេសប៊ុកឈ្មោះ Yuk Thetratha ដែលមាន Fan Page“អ្នកគាំទ្រ”ចំនួន៥៦.៤៨៥នាក់ ខណៈដែលក្រុមឈ្មោះ Global News មានលោក Michael Rothy ជាប្រធាន ក៏មានឈ្មោះល្បីនៅក្នុងបណ្ដាញសង្គមហ្វេសប៊ុកដែរ ពីព្រោះលោកតែងចាត់ ចែងឱ្យក្រុមរបស់លោកមានវិន័យ មានសេចក្ដីថ្លៃថ្នូរក្នុងការ Post និងចែកចាយព័ត៌មានទាំងរូបភាព ទាំងអក្សរ ទាំងការបញ្ចេញមតិផ្សេងៗ ។

ទោះយ៉ាងណា គេមិនទាន់បានដឹងច្បាស់ថា តារាចចម្រៀង យក់ ថិតរដ្ឋា មានការពាក់ព័ន្ធដូចម្ដេចទៅនឹង Account Facebook មួយឈ្មោះ Ra David នោះនៅឡើយទេ ៕