បែកធ្លាយវិញ្ញាសាលើ Facebook ទុកចិត្តបានអត់?

7:37 AM

ខណៈការប្រឡងបាក់ឌុប ថ្ងៃទី១ ទើបបានចាប់ផ្តើម ប្រមាណមួយម៉ោងមុខនេះ គេសង្កេតឃើញមានវិញ្ញាសាជាច្រើនត្រូវបានបង្ហោះតាមគណនេយ្យ Facebook តាំងពីល្ងាចមិញមកម្ល៉េះ ជាពិសេសមុខវិជ្ជាគីមឺ និងជីវវិទ្យា ដែលត្រូវប្រឡងនៅព្រឹកនេះ។

ជាក់ស្តែងគណនេយ្យ Facebook មួយ ដែលមានឈ្មោះ O.S. បានបង្ហោះនូវចម្លើយ វិញ្ញាសាគីមឺវិទ្យា និងជីវវិទ្យា ដោយសន្មត់ថាជាចម្លើយដែលពិតជាត្រឹមត្រូវ។

មិនត្រឹមប៉ុណ្ណឹង មានគណនេយ្យ Facebook មួយឈ្មោះ K.K. ថែមទាំងបានបង្ហោះនូវទម្រង់សំនួរលើ វិញ្ញាសាមុខវិទ្យាគីមឺទាំងស្រុងផងដែរ តាំងពីល្ងាចមិញមកម្ល៉េះ។

ប៉ុន្តែទោះជាយ៉ាងណា ឯកឧត្តម អ៊ឹម សិទ្ធី រដ្ឋមន្រ្តីក្រសួងអប់រំយុវជន និងកីឡា កាលពីព្រឹកមិញនេះ បានថ្លែងប្រាប់អ្នកកាសែតថា គ្មានវិញ្ញាសាណាបែកធ្លាយដូចការលើកឡើងខ្លះនោះទេ ដោយសារតែហិបដាក់វិញ្ញាសាមានសោ និងលេខសំងាត់ត្រឹមត្រូវ។ ដូច្នេះបេក្ខជនទាំងអស់ កុំជឿតាមពាក្យចចាមអារ៉ាម ដែលបានបំផុសឡើងទេ។

ទិដ្ឋភាពថតចម្លងសំណៅឯកសារ នៅវេលាម៉ោង ៤ ព្រឹកមិញ ម្តុំបាក់ទូក