ភ្នំពេញ ៖ លោកយាយចំណាស់ម្នាក់ដោយសារខឹងកូនប្រុសបណ្តេញចេញពីផ្ទះតូចចិត្តខ្លាំងពេកបានព្យាយាមរត់ចូលរថយន្តប៉ងធ្វើអត្តឃាត តែត្រូវបានគេជួយឃាត់ទាន់បង្កឱ្យមានការភ្ញាក់ផ្អើលទាំងថ្ងៃ។
ហេតុការណ៍នេះកើតឡើងកាលពីវេលាម៉ោង១និង៥៥នាទីរសៀលថ្ងៃទី៩ សីហា ២០១៣ ស្ថិតក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។
អ្នកភូមិបាននិយាយថាលោកយាយដែលប៉ុនប៉ងធ្វអត្តឃាតរត់ចូលរថយន្តនេះឈ្មោះអ៊ុក គឹមសុខ អាយុ៦៤ឆ្នាំ ស្នាក់នៅភូមិកើតហេតុខាងលើនិងមានស្រុកកំណើតខេត្តកំពត ចំណែកកូនប្រុសឈ្មោះឈិត ប៊ុនពិសិដ្ឋ អាយុ៣១ឆ្នាំ ជាជាងជួសជុលរថយន្ត ។
ប្រភពព័ត៌មានពីអ្នកភូមិរស់នៅជិតផ្ទះលោកយាយខាងលើបានឲ្យដឹងថា មុនពេលកើតហេតុគេឮសំឡេងឈ្លោះប្រកែកគ្នារវាងកូនប្រុសឈ្មោះឈិត ប៊ុនពិសិដ្ឋ និងម្តាយឈ្មោះអ៊ុក គឹមសុខ ដោយសារម្តាយសួររកប្រាក់ខែដែលបើកមកបាន៣០០ទៅ៤០០ដុល្លារមិនដែលឃើញឲ្យម្តាយទុកទិញម្ហូបនោះទេគឺយកទៅចាយវាយជាមួយស្រីអស់ៗគ្មានសល់។ ពេលខឹងម្តាយស្តីបន្ទោសយ៉ាងនេះធ្វើឲ្យបុរសជាកូនក្តៅក្រហាយក៏បណ្តេញម្តាយឲ្យចេញពីផ្ទះ។
ប្រភពព័ត៌មានដដែលឲ្យដឹងទៀតថា បន្ទាប់ពីកូនបណ្តេញចេញពីផ្ទះភ្លាមនោះលោកយាយជាម្តាយស្រែកទ្រហោ យំរួចរត់សំដៅទៅកណ្តាលថ្នល់បម្រុងឲ្យរថយន្តបុកស្លាប់ ប៉ុន្តែពេលឃើញដូច្នោះត្រូវអ្នកភូមិឃើញទាន់ក៏ចាប់អូសដៃទាន់។បន្ទាប់មកទៀតលោកយាយបានប៉ុនប៉ងរត់ចូលរថយន្តដឹកកុងតឺន័រម្តងទៀត តែត្រូវអ្នកភូមិតាមចាប់ជាប់រួចយកទៅអង្គុយពន្យល់អស់រយៈពេលច្រើនម៉ោងទើបគាត់ស្ងប់ចិត្ត ៕
_________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
Read more: http://www.cambodiapage.info/
0 comments:
Post a Comment