ក្នុងសេចក្តីថ្លែការរបស់គណបក្សសង្គ្រោះជាតិនៅថ្ងៃទី១២ ខែសីហា ឆ្នាំ២០១៣ បានបង្ហាញថាការប្រកាសសន្លឹកឆ្នោតរបស់ គ ជ ប គឺជាសកម្មភាពបិទបាំង នូវរាល់កំហុសឆ្គងដែលគ ជ បបានប្រព្រឹត្តលើការបោះឆ្នោតកន្លងទៅ ហើយវាអាចនិងនាំមកនូវការបះបោ តវ៉ាពីសំណាក់ប្រជាពលរដ្ឋខ្មែរ ដោយទាមទារឲ្យមានយុត្តិធម៌ ពោលបើគ្មានការដោះស្រាយពីភាពមិនប្រក្រតីទាំងឡាយ ក្រោយពេលបោះឆ្នោត គណបក្សសង្គ្រោះជាតិបានហៅថាជាករណីមានអស្ថិរភាពនយោបាយ គឺ គ ជ បត្រូវទទួលខុសត្រូវទាំងស្រុង ។
ទោះបែបណាសេចក្តីថ្លែងការរបស់គណបក្សសង្គ្រោះជាតិបានសម្តែងការខកចិត្តជាខ្លាំង និងជំទាស់ចំពោះគណកម្មាធិការជាតិរៀបចំការបោះឆ្នោត (គ ជ ប) ដែលបានប្រកាសលទ្ឋផលបណ្តោះអាសន្ននៃការបោះឆ្នោត ជ្រើតាំងតំណាងរាស្ត្រ ក្នុងស្ថានភាពមួយដែលភាពមិនប្រក្រតីយ៉ាងធ្ងន់ធ្ងរទាំងឡាយដែលបានកើតមាននៅមុននិងនៅថ្ងៃបោះឆ្នោតពុំទាន់ត្រូវបានស៊ើបអង្កេត និងដោះស្រាយឲ្យបានត្រឹមត្រូវ ដោយតម្លាភាព និងយុត្តិធម៌សម្រាប់ប្រជាពលរដ្ឋដែលជាម្ចាស់ឆ្នោត ។
ជាមួយគ្នានោះដែរគណបក្សសង្គ្រោះជាតិនៅតែទទូចឲ្យបង្កើតគណកម្មការបច្ចេកទេសចម្រុះឯករាជមួយ និងអំពាវនាវគណបក្សប្រជាជនកម្ពុជាដែលបានសន្យាក្នុងកិច្ចប្រជុំទ្វេភាគីនៅ មន្ទីររដ្ឋសភា កាលពីថ្ងៃទី០៩ ខែសីហា កន្លងទៅថានិងផ្តល់ព័ត៌មានស្តីពីការជ្រើរើសក្រុមអ្នកបច្ចេកទេស ដើម្បីធ្វើការស្រាវជ្រាវលើភាពមិនប្រក្រតី នៃការបោះឆ្នោតនោះ ឲ្យមកចូលប្រជុំដើម្បីបន្តការងាររកយុត្តិធម៌ជូនប្រជាពលរដ្ឋខ្មែរឲ្យបានឆាប់ ហើយវិលមករកការដោះស្រាយបញ្ហាជាតិដោយសន្តិវិធី ។
គណបក្សសង្គ្រោះជាតិទាមទារឲ្យរាជរដ្ឋាភិបាលបញ្ឈជាបន្ទាន់ នូវរាលការគំរាមកំហែងពលរដ្ឋខ្មែរ ដោយប្រើប្រាស់ការចល័តកងកម្លាំងប្រដាប់អាវុធ និងរថក្រោះជាដើម ។គណបក្សសង្គ្រោះជាតិសូមអំពាវនាវដល់សហគមន៍អន្តរជាតិ និងប្រទេសជាហត្ថលេខី នៃកិច្ចព្រមព្រៀងទីក្រុងប៉ារីស ឆ្នាំ១៩៩១ ឲ្យជួយគាំទ្រ ការពារឆន្ទៈប្រជាពលរដ្ឋខ្មែរ ក្នុងការជ្រើសរើសអ្នកដឹកនាំខ្លួនតាមគោលការណ៍ប្រជាធិតេយ្យ ដូចចែងក្នុងកិច្ចព្រមព្រៀងនោះ រួចពុំមានការដោះស្រាយ និងផ្ទុយពីឆន្ទៈពិតប្រាកដរបស់ប្រជាពលរដ្ឋខ្មែរ ៕
_______________________
ប្រភពពីទស្សនៈខ្មែរ
Read more: http://www.cambodiapage.info/
0 comments:
Post a Comment