លោកគាត ឈន់ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ កាលពីល្ងាចថ្ងៃទី៩ ខែសីហា ឆ្នាំ២០១៣ បានប្រកាសឲ្យដឹងថា រយៈពេល៦ខែ ឆ្នាំ២០១៣នេះ កម្ពុជាបានខ្ចីប្រាក់ឥណទានពីបរទេស និងស្ថាប័នហិរញ្ញវត្ថុអន្តរជាតិប្រមាណ ៤២៣.៩លានដុល្លារអាមេរិក សម្រាប់អភិវឌ្ឍន៍លើកវិស័យជាច្រើននៅកម្ពុជា។
ការប្រកាសរបស់លោកគាត ឈន់នេះ បានធ្វើឡើងនៅក្នុងពិធីចុះហត្ថលេខាទទួលប្រាក់ឥណទានសម្បទាន ១២០.៦លានដុល្លារ ពីរដ្ឋាភិបាលចិន ដើម្បីអនុវត្តគម្រោងប្រព័ន្ធធារាសាស្ត្រ និងគម្រោងសាងសង់ខ្សែបញ្ជូនអគ្គិសនី នាល្ងាចថ្ងៃទី០៩ ខែសីហា ឆ្នាំ២០១៣។
លោកគាត ឈន់ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានឲ្យដឹងថា ប្រាក់ឥណទានទាំង៤២៣.៩លានដុល្លារអាមេរិកនោះទទួបានពីរដ្ឋាភិបាលចិនចំនួន៧៤.៨លានដុល្លារ ជប៉ុនប្រមាណ៨៨លានដុល្លារ សាធារណរដ្ឋកូរ៉េប្រមាណ ៣៦.៦លានដុល្លារ ធនាគារអភិវឌ្ឍន៍អាស៊ី ADB ប្រមាណ ២១៤.៥លានដុល្លារ និង ពីមូលនិធិអូប៉ិចសម្រាប់ការអភិវឌ្ឍអន្តរជាតិ (OFID) ប្រមាណ១០លានដុល្លារ។
គួរបញ្ជាក់ថា តាមច្បាប់ស្តីពីហិរញ្ញ វត្ថុសម្រាប់ការគ្រប់គ្រងឆ្នាំ២០១៣ កម្ពុជាអាចខ្ចីឥណទានសម្បទានប្រមាណជា ៩០០លានដុល្លារពីបរទេស និងស្ថាប័នហិរញ្ញវត្ថុនានា។ ដូចនេះសម្រាប់ឆ្នាំ២០១៣ រាជរដ្ឋាភិបាលកម្ពុជានៅមានកញ្ចប់ឥណទានប្រមាណ ៤៧៦លានដុល្លារទៀត សម្រាប់ចុះហត្ថលេខាខ្ចីពីដៃគូអភិវឌ្ឍន៍ក្នុងឆមាសទី២។
______________________________
ប្រភពពី វាយោ
Read more: http://www.cambodiapage.info/
0 comments:
Post a Comment