បាក់ជញ្ជាំងថ្មក្នុងការដ្ឋានសំណង់ឧកញ៉ាថោងសារ៉ាត់សង្កត់កម្មករស្លាប់២នាក់

1:36 AM

ភ្នំពេញ ៖ កម្មករសំណង់២នាក់បានស្លាប់កប់ក្នុងដីខ្សាច់ដោយសារបាក់ ជញ្ជាំងរបងថ្មសង្កត់លើនៅគ្រាដែល កម្មករសំណង់ទាំង២នាក់កំពុងបំពេញ ការងារកាយដីខ្សាច់ដើម្បីដាក់ពុម្ពសសរ ត្រូវជញ្ជាំងរបងថ្មប្រវែង១៥ម៉ែត្រ កម្ពស់ជិត៣ម៉ែត្របាក់រលំសង្កត់លើតែ ម្ដង ។ ដោយឡែកកម្មករ២-៣នាក់ទៀត ដែលធ្វើនៅខាងលើរត់ចេញទាន់ពេល ព្រោះបានឮស្នូរសម្រឹបប្រុងបាក់ ។

ឧប្បត្ដិហេតុខាងលើនេះបានកើតឡើង នៅវេលាម៉ោង១០ព្រឹក ថ្ងៃទី១៧ ខែសីហា ឆ្នាំ២០១៣ នៅក្នុងការដ្ឋានសំណង់៩៩៩ ជារបស់លោកឧកញ៉ាថោង សារ៉ាត់ ស្ថិត នៅតាមបណ្ដោយផ្លូវ៣៧១ ភូមិត្នោត ជ្រំ៣ ក្រុមទី២ សង្កាត់បឹងទំពុន ខណ្ឌ មានជ័យ ។

ជនរងគ្រោះមានឈ្មោះទូច ចម ភេទ ប្រុស អាយុ១៨ឆ្នាំ មុខរបរជាកម្មករ សំណង់ មានស្រុកកំណើតភូមិត្រញំង អណ្ដូង ឃុំទំនប់ធំ ស្រុកពញាឮ ខេត្ដ កណ្ដាល និងជនរងគ្រោះម្នាក់ទៀតមាន ឈ្មោះយាំង យ៉ាងថ័រ ភេទប្រុស អាយុ ៥៧ឆ្នាំ ជាជនជាតិវៀតណាម មានទីលំ នៅភូមិកោះនរា សង្កាត់និរោធ ខណ្ឌមានជ័យ ។

កម្មករសំណង់ម្នាក់ឈ្មោះទូច សារ៉ាយ ភេទប្រុស អាយុ១៩ឆ្នាំ ត្រូវជាបងប្រុស របស់ឈ្មោះទូច ចម ដែលស្លាប់កប់ក្នុង ដីខ្សាច់ បានឱ្យដឹងថា មុនពេលកើតហេតុ ពួកគេទាំងអស់គ្នាធ្វើការដូចសព្វដង ចំណែកខ្ញុំឈរនៅខាងលើនៃជញ្ជាំងថ្ម ដែលបាក់ ដើម្បីចាំទទួលអាចម៍ដីដែល ប្អូនប្រុសរបស់ខ្ញុំកំពុងកាយនៅក្នុងរណ្ដៅ ខាងក្រោមដើម្បីយោងយកមកចាក់នៅ ខាងលើ ។ ពេលកំពុងធ្វើការស្រាប់តែឮ សូរសំឡេងប្រឹបៗប្រុងបាក់ ។ ពេលឮ សំឡេងខ្ញុំក៏ស្រែកប្រាប់ឱ្យប្អូនប្រុសរបស់ ខ្ញុំនៅខាងក្រោមរត់គេចដែរ តែរត់មិន ទាន់ដោយសារនៅក្នុងរណ្ដៅខ្សាច់ជ្រៅ ពេក ធ្វើឱ្យជញ្ជាំងថ្មបាក់ស្រឹបសង្កាត់លើ កម្មករដែលនៅខាងក្រោមតែម្ដង ។

តាមប្រភពព័ត៌មានពីកម្មករផ្សេង ទៀតបានឱ្យដឹងថា ជនរងគ្រោះទាំង២ នាក់កំពុងកាយដីខ្សាច់ចេញពីក្បាល សសរគ្រឹះ ដើម្បីដាក់ពុម្ពសសរចាក់បន្ដ ឡើងមកលើ ។ ពេលកាយដីចេញអស់ ធ្វើឱ្យបាក់ធ្នឹមជញ្ជាំងរបងថ្មសង្កត់កម្មករ ទាំង២នាក់កប់ក្នុងដីខ្សាច់ភ្លាមៗនោះ ក្រុមកម្មករនាំគ្នាកាយដីខ្សាច់ចេញដើម្បី ជួយសង្គ្រោះដែរ តែមិនអាចជួយបាន ដោយសារជញ្ជាំងថ្មសង្កត់ពីលើធ្ងន់ពេក។

ក្រោយកើតហេតុអាជ្ញាធរសមត្ថកិច្ច ខណ្ឌ-សង្កាត់បានចុះទៅពិនិត្យនៅកន្លែង កើតហេតុ និងបានបញ្ជូនគ្រឿងចក្រទៅ កាន់ទីនោះ ដើម្បីកាយរកសាកសពជន រងគ្រោះ ។

រយៈពេលជាង១ម៉ោងក្រោយកើត ហេតុទើបកាយរកឃើញ ហើយសាក សពជនរងគ្រោះទាំង២នាក់ត្រូវបានដឹក យកមកតម្កល់នៅវត្ដសន្សំកុសល ដើម្បី ឱ្យក្រុមគ្រួសារមកទទួលយកទៅធ្វើបុណ្យ។

លោកឡាយ ជ ប្រធានការិយាល័យ សាធារណការខណ្ឌមានជ័យ បាននិយាយ យ៉ាងខ្លីនៅកន្លែងកើតហេតុថា សំណង់ របងថ្មដែលបាក់សង្កត់ស្លាប់កម្មករ២ នាក់នេះសាងសង់គ្មានបច្ចេកទេសត្រឹម ត្រូវឡើយ ។

មហាជនបានបញ្ចេញទស្សនៈរិះគន់ ថា អ្នកដែលមានលុយទៅទិញផ្ទះក្នុងបុរី ៩៩៩ ដែលមានលោកឧកញ៉ា ថោង សារ៉ាត់ ជាថៅកែបុរី សូមប្រុងប្រយ័ត្ន… ខ្លាចក្រែង “ប្រាក់ក៏បង់ ថង់ក៏ដាច់” សូម ពិនិត្យបទដ្ឋានបច្ចេកទេសឱ្យបានត្រឹម ត្រូវមុននឹងសម្រេចចិត្ដទិញ ។ ជាក់ស្ដែង ដូចជាករណីនេះអ៊ីមចឹងកម្មករ២នាក់ស្លាប់ យ៉ាងអាណោចអាធ័មដោយសារសំណង់ ក្នុងបុរី៩៩៩របស់លោកឧកញ៉ាថោង សារ៉ាត់ គ្មានបច្ចេកទេស ឆាប់រលំបាក់ ៕