ខេត្ដកោះកុង ៖ អាជីវករលក់ដូរនៅក្នុងទីផ្សារដងទង់ ក្រុងខេមរភូមិន្ទ ខេត្ដកោះកុងមានការមិនពេញចិត្ដចំពោះ ក្រុមហ៊ុនវិនិយោគទីផ្សារនោះដោយពួកគាត់អះអាងថា មានការបៀបសង្កត់ ជំរិតទារភាស៊ីដោយគ្មានសៀវភៅបន្ទុកនិងយកផ្លូវធ្វើជាកន្លែងផ្ញើរថយន្ដ និងម៉ូតូធ្វើឱ្យមានការប៉ះពាល់ដល់ការលក់ដូររបស់ពួកគាត់យ៉ាងខ្លាំង ។ មន្ដ្រីសាលាខេត្ដមួយរូបបាននិយាយថា ដោយសារតែមានកិច្ចប្រជុំមួយស្ដីពីមូលហេតុការណ៍បាត់បង់សំឡេងឆ្នោត ដែលប្រព្រឹត្ដទៅកាលពីពេលកន្លងមក នោះអាចបញ្ជាក់ថា មូលហេតុដែលធ្វើឱ្យមានការបាត់បង់សំឡេងឆ្នោតច្រើន នៅក្នុងទីក្រុងភូមិន្ទ ខេត្ដកោះកុងក្នុងអាណត្ដិទី៥នេះ ត្រូវបានមេភូមិនិងចៅ សង្កាត់មួយចំនួនលើកឡើងថា បណ្ដាលមកពីអាជីវករលក់ដូរក្នុងទីផ្សារក្រុង ខេមរភូមិន្ទមិនពេញចិត្ដចំពោះក្រុមហ៊ុន វិនិយោគទីផ្សារនោះដោយធ្វើអ្វីតាមតែអំពើចិត្ដនិងមានការគៀបសង្កត់ជំរិតទារប្រាក់ថ្លៃភាស៊ីលើសពីសៀវភៅបន្ទុករបស់សាលាខេត្ដ ។
អាជីវករនៅផ្សារខាងលើក៏បានខ្សឹប ប្រាប់ឱ្យដឹងបន្ថែមថា ទោះបីជាកន្លងមកមានការមិនសប្បាយចិត្ដពីសំណាក់ អាជីវករបានកើតឡើងក៏ដោយក៏គេពុំ ដែលឃើញលោកតំណាងរាស្ដ្រនិងមន្ដ្រីអាជ្ញាធរខេត្ដនិងក្រុងចុះទៅដោះស្រាយ ទុក្ខកង្វល់ជូនបងប្អូនអជីវករទាំងអស់នេះឡើយ ។
សូមបញ្ជាក់ថា ផ្សារដងទង់ត្រូវបាន ដាក់ឱ្យលោក ម៉ក់ នុច ដែលមានប្រពន្ធ ឈ្មោះ ស៊ីណាត ជាមន្ដ្រីសាលាក្រុង ខេមរភូមិន្ទធ្វើវិនិយោគតាមរយៈការ ដេញថ្លៃមិនប្រក្រតីកាលពីប៉ុន្មានឆ្នាំមុននេះ ។ បន្ទាប់ពីដេញថ្លៃបានអ្នកវិនិយោគ ខាងលើពុំបានប្រើដើមទុនមកអភិវឌ្ឍន៍ទីផ្សារដងទង់នេះទេ ដោយគេប្រើរូបភាព ធ្វើនំអត់ម្សៅ ។ ប្រការនេះកំពុងប្រព្រឹត្ដផ្ទុយនិងសៀវភៅបន្ទូកផងដែរ ៕
________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
0 comments:
Post a Comment