ខេត្ដសៀមរាប ៖ មិនមែនទើបតែពេលនេះទេដែលការិយាល័យនិពន្ធកាសែតនគរវត្ដបានទទួលទូរស័ព្ទពីមិត្ដអ្នកអាន ក៏ដូចជាលិខិតនានាពាក់ព័ន្ធទៅនឹង ថ្លៃសំបុត្រជិះដំរីឡើងប្រាសាទភ្នំបាខែង ខេត្ដសៀមរាប ។ បណ្ដាមិត្ដអ្នកអានមាន ចម្ងល់ស្រដៀងគ្នាថា ពីមុនតម្លៃជិះដំរី ឡើងប្រាសាទភ្នំបាខែងសម្រាប់បណ្ដាជន ខ្មែរម្នាក់ថ្លៃតែ៧ដុល្លារប៉ុណ្ណោះ ប៉ុន្ដែពេលនេះបានឡើងថ្លៃរហូតដល់២០ដុល្លារ ដោយគ្រាន់តែបញ្ជាក់ថា បណ្ដាក្បាលដំរី ខ្មែរទាំងនោះ រួមទាំងហ្មដំរីឋិតក្នុងការ គ្រប់គ្រងរបស់ក្រុមហ៊ុនបារាំងមួយ ។
ស្ដ្រីម្នាក់រស់នៅរាជធានីភ្នំពេញ ដែលទើបតែវិលត្រឡប់មកពីកម្សាន្ដ នៅឯខេត្ដសៀមរាបកាលពីចុងសប្ដាហ៍ មុន បានអះអាងប្រាប់កាសែនគរវត្ដតាម ទូរស័ព្ទថា គាត់បាននាំកូនទៅលេងប្រាសាទ ភ្នំបាខែង ហើយក្នុងគោលបំណងនាំកូន ជិះដំរីឡើងតំបន់ប្រាសាទនោះ ។ ក៏ប៉ុន្ដែ នៅពេលដែលសួរនាំអំពីតម្លៃ ត្រូវគេ ប្រាប់ថា សម្រាប់បណ្ដាជនខ្មែរម្នាក់ត្រូវ បង់ប្រាក់២០ដុល្លារឱ្យទៅក្រុមហ៊ុនបារាំង មួយដែលជាអ្នកគ្រប់គ្រងសេវាដឹកជញ្ជូន អ្នកដែលចង់ជិះដំរីឬជិះសេះ ។ ប្រសិន បើមិនបង់ប្រាក់ឱ្យក្រុមហ៊ុនបារាំង២០ ដុល្លារសម្រាប់មនុស្សម្នាក់ទេនោះ គឺមិន អាចជិះបានឡើយ ។
កាលមុនអ្នកជិះដំរីចំណាយត្រឹមតែ ៧ដុល្លារប៉ុណ្ណោះ ។ ប៉ុន្ដែពេលនេះការ ចំណាយកើនឡើង៣ដងសម្រាប់ប្រជា ពលរដ្ឋខ្មែរម្ចាស់ទឹកដីដែលគ្រាន់តែចង់ ជិះដំរីឡើងទៅប្រាសាទភ្នំបាខែង ។ ស្ដ្រី ដដែលបានដាក់ជាចម្ងល់ថា លើកមុន គាត់អាចជិះដំរីឡើងលើប្រាសាទភ្នំបាខែង ដោយគ្រាន់តែចំណាយប្រាក់៧ដុល្លារ ប៉ុណ្ណោះ ។ លើកនេះ ហេតុអ្វីបែរជាត្រូវ ឡើងថ្លៃ ដោយគ្រាន់តែបញ្ចូលក្រុមហ្វូង ដំរីទាំងនោះ រួមទាំងហ្មដំរីឱ្យឋិតក្រោម ការគ្រប់គ្រងរបស់ក្រុមហ៊ុនបារាំងមួយ។
ស្រដៀងគ្នានេះដែរ បុរសម្នាក់ទៀត បានអះអាងថា គាត់ចង់និយាយអំពីបញ្ហា នេះយូរមកហើយ ពោលគឺតម្លៃនៃការ ជិះដំរីឡើងលើប្រាសាទភ្នំបាខែង ។ ពីមុន តម្លៃជិះដំរីត្រឹមតែ៧ដុល្លារ ឥឡូវនេះ ឡើងដល់២០ដុល្លារ ប៉ុន្ដែហ្មដំរីទទួលបាន ប្រាក់កម្រៃតែ៧ដុល្លារដដែល ។ ដូច្នេះ ក្រុមហ៊ុនបារាំងមួយនោះអាចចំណេញ ពីលើខ្មែររហូតដល់១៣ដុល្លារដោយមិន បានចំណាយដើមទុនអ្វីទាំងអស់ ។ លោក បាននិយាយថា “ខ្ញុំឆ្ងល់ដែរ, ដំរីខ្មែរ, ហ្មខ្មែរ, ប្រាសាទខ្មែរ គ្រាន់តែបារាំងមកគ្រប់ គ្រងពីលើគេយកចំណេញដោយស្រួល ។ ខ្ញុំគ្រាន់តែឆ្ងល់តាមកាសែតទេ” ។
បើតាមការអះអាងរបស់បុរសខាង លើ ក្រុមហ៊ុនបារាំងនោះជាអ្នកគ្រប់គ្រង ជើងដឹកជញ្ជូនទាំងរថយន្ដ, រ៉ឺម៉ក, កង់ ក៏ដូចជាសត្វពាហនៈនានា ។ រីឯតម្លៃសេវា ដែលផ្ដល់ជូនម្ចាស់យានយន្ដឬសត្វពាហនៈ គឺដូចអ្វីដែលបានកំណត់កាលពីមិនទាន់ ឱ្យក្រុមហ៊ុនគ្រប់គ្រង ។ ពោលគឺ ពីមុន មានក្រុមហ៊ុនគ្រប់គ្រងតម្លៃនៃការជិះ ដំរីឡើងលើប្រាសាទភ្នំបាខែងសម្រាប់ ពលរដ្ឋខ្មែរម្នាក់ត្រូវបង់៧ដុល្លារ ហើយ ៧ដុល្លារនោះបានផ្ទាល់ដល់ដៃហ្មដំរីតែម្ដង។ ឥឡូវនេះ តម្លៃនៃការជិះដំរីសម្រាប់ ពលរដ្ឋខ្មែរម្នាក់តាមរយៈក្រុមហ៊ុនបារាំង កំណត់ដល់២០ដុល្លារ ក្នុងពេលដែលហ្ម ដំរីខ្មែរទទួលបានតែ៧ដុល្លារដដែល ។ យ៉ាងនេះមានន័យថា ក្រុមហ៊ុនបារាំង នោះបានចំណេញ១៣ដុល្លារដោយងាយៗ ពីបណ្ដាហ្មដំរីខ្មែរ និងបណ្ដាជនខ្មែរដែលជិះដំរី ។ បែបនេះ គឺជាចម្ងល់ដែលប្រជា ពលរដ្ឋខ្មែរឆ្ងល់ ។
អ្នកផ្សេងទៀតក៏បានលើកឡើងអំពី បញ្ហានេះដែរ ក៏ប៉ុន្ដែគេមិនអាចរកចម្លើយបានពីស្ថាប័នពាក់ព័ន្ធនោះទេ ។ អ្វីដែលសំខាន់នោះ គឺក្រុមហ៊ុនបារាំង មួយនោះគ្រាន់តែជាអ្នកកំណត់ឱ្យក្បាល ដំរីមួយណាដែលត្រូវចេញដឹកអ្នកដំណើរ ឬពេលវេលាណាដែលត្រូវចេញប៉ុណ្ណោះ ។ បើយ៉ាងនេះមែន ប្រាសាទខ្មែរ, ដំរីខ្មែរ, ហ្មខ្មែរ និងអ្នកជិះខ្មែរ តែអ្នកដែលចំណេញ គឺក្រុមហ៊ុនបារាំង ៕
____________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
Read more: http://www.cambodiapage.info/
0 comments:
Post a Comment