កម្ពុជា ត្រូវបានក្រុមហ៊ុន Google ជ្រើសយក សម្រាប់កម្មវិធី Google Maps Street View

3:19 AM

កាលពីព្រឹកថ្ងៃទី 23 ខែកក្ដដា ឆ្នាំ 2013 នេះ ប្រទេសកម្ពុជា ពិតជាមានសំណាងណាស់ក្នុងចំណោមបណ្ដាលប្រទេសនៅក្នុងតំបនអាស៊ាន ដែលត្រូវបានក្រុមហ៊ុន Googleផ្ដល់តម្លៃ និងធ្វើការកោតសរសើរជាប្រទេសដែលមានសម្បត្តិធម្មជាតិ និងវប្បធម៌ សម្បូរបែបល្អថ្លៃថ្លាលើសគេកម្ររមាន ហើយនឹងត្រូវជ្រើសយកសម្រាប់កម្មវិធី Google Maps Street View នាពេលឆាប់ៗនេះ។

ទាក់ទងនឹងកម្មវិធីខាងលើនេះដែរ ឯកឧត្តមថោង ខុន រដ្ឋមន្ត្រីក្រសួងទេសចរណ៍បានឱ្យដឹងថា៖‹ បច្ចេកវិជ្ជាការកំណត់ផែនទីរបស់ Google នឹងផ្តល់ជូននូវអត្ថប្រយោជន៍ជាច្រើន សម្រាប់បង្ហាញទិដ្ឋភាពជាវិជ្ជមាននៃប្រទេសកម្ពុជាទៅកាន់ពិភពលោក។ តាមរយៈភាពជាដៃគូជាមួយនឹង Google នេះយើងសង្ឃឹមថានឹងមានមនុស្សជាច្រើនទាំងក្នុងតំបន់ និងនៅទូទាំងពិភពលោកកាន់តែមានចំណាប់អារម្មណ៍អំពីប្រទេសកម្ពុជាព្រមទាំងទទួលបាននូវបទពិសោធន៍ដ៏ល្អតាមរយៈកម្មវិធីថ្មីនេះ។

លោក Divon Lan ប្រធានគ្រប់គ្រងផលិតផលនៅក្រុមហ៊ុន Google បានឱ្យដឹងដែរថា៖ ‹យើងពិតជាមានសេចក្តីរីករាយក្រៃលែងដោយមានចូលរួមប្រតិបត្តិការជាមួយក្រសួងទេសចរក្នុងកិច្ចបើកដំណើរការនៃការបើកបររថយន្តផ្តិតយកទិដ្ឋភាពលើដងវិថីនៅក្នុងប្រទេសកម្ពុជា។ ប្រទេសកម្ពុជាគឺជាប្រទេសមួយដែលល្បីល្បាញ និងមានពេញនិយមសម្រាប់ភ្ញៀវទេសចររួចទៅហើយ ដូច្នេះយើងសង្ឃឹមថា Street View នឹងអាចជួយបង្កើននូវវិស័យទេសចរបន្ថែមទៀត ដោយផ្តល់ឱ្យអ្នកប្រើប្រាស់នូវសារប្រយោជន៍នៃព័ត៌មានផែនទីជាច្រើននោះហើយ Street View ក៏អាចជួយបង្កើតនូវស្ថានភាពសេដ្ឋកិច្ចចុងក្រោយនៅក្នុងប្រទេសកម្ពុជា។ យើងមានក្តីរំភើបរីករាយក្នុងការចែករំលែកនូវរូបភាពផ្លូវកម្រិត 360 ដឺក្រេជាមួយប្រភេទរូបភាព Panoramic នៃប្រទេសកម្ពុជានៅលើផែនទីរបស់ Google នៅពេលដែលរូបភាពនឹងបើកដំណើរការក្នុងពេលឆាប់ៗខាងមុខនេះ។

សូមបញ្ជាក់ផងដែរថា៖ Street View គឺជាកម្មវិធីបង្ហាញផ្លូវដ៏មានប្រជាប្រិយភាពរបស់ Google Maps ដែលអាចរកមើលបានដល់ទៅ 50 ប្រទេសដោយអនុញ្ញាតឱ្យមនុស្សគ្រប់រូបអាចមើលឃើញទិដ្ឋភាពពិតៗ និងអាចរកអ្នកជិតខាងតាមរយៈរូបភាពផ្លូវកម្រិត 360 ដឺក្រេជាមួយប្រភេទរូបភាពPanoramic ហើយចាប់ផ្តើមពីថ្ងៃនេះនៅក្នុងរាជធានីភ្នំពេញ Google នឹងចាប់ផ្តើមធ្វើការបើកបររថយន្តដែលមានដាក់ភ្ជាប់ជាមួយម៉ាស៊ីនថតដ៏ពិសេសនៅក្នុងប្រទេសកម្ពុជាទាំងមូល ដើម្បីប្រមូលរូបភាពជាមួយនឹងទិដ្ឋភាពបង្ហាញផ្លូវសម្រាប់ Google Maps។

បច្ចុប្បន្ននេះក្រុមហ៊ុន Google ក៏បាននាំយកនូវ Street View Trekker ដែលជាប្រព័ន្ធបច្ចេកវិទ្យាកាមេរ៉ាចុងក្រោយបំផុតរបស់យើងដែលផ្តល់នូវរូបភាពនៃ Street View យ៉ាងរហ័សភ្លាមៗពីទីតាំងតំបន់ប្រាសាទបុរាណអង្គរដែលជាបេតិកភណ្ឌពិភពលោកដ៏អស្ចារ្យ។ ការចាប់យករូបភាពបង្ហាញផ្លូវ Street View នៃវប្បធម៌ និងបូជនីយដ្ឋាននេះក្រុមហ៊ុន Google សង្ឈឹមថានឹងជួយបង្ហាញនូវសម្រស់ដ៏ស្រស់ត្រកាលប្រាសាទអង្គរបន្ថែមទៀតសម្រាប់អ្នកទេសចរ និងទទួលបាននូវបទពិសោធន៍កាន់តែងាយស្រួលតាមរយៈបណ្តាញអ៊ិនធើណែត៕

________________________
ប្រភពពី៖ KhmerStation.com

កម្ពុជា ត្រូវ​បាន​ក្រុមហ៊ុន Google ជ្រើស​យ​ក សម្រាប់​​កម្មវិធី Google Maps Street View ​

កម្ពុជា ត្រូវបានក្រុមហ៊ុន Google ជ្រើសយក សម្រាប់កម្មវិធី Google Maps Street View