ជាមួយនឹងការបង្ហាញមុខជាលើកដំបូងបន្ទាប់ពីមានពាក្យចរចាមអារាម នៅឯការដ្ឋានស្ពានស្ទឹងមានជ័យនារសៀលនេះ សម្តេចនាយករដ្ឋមន្រ្តី ហ៊ុន សែន បានឲ្យដឹងថា គណបក្សប្រជាជនកម្ពុជា បានបង្កើតក្រុមការងារមួយរួចហើយ ដើម្បីចរចារជាមួយគណបក្សសង្រ្គោះជាតិរបស់លោក សម រង្ស៊ី និងលោក កឹម សុខា។
ក្រុមការងារដែលមានតួនាទីចរចារសម្រួលសម្រាប់ក្បាលម៉ាស៊ីនដឹកនាំក្នុងរដ្ឋសភាជាមួយគណបក្សសង្រ្គោះជាតិនោះ ត្រូវបានសម្តេចនាយករដ្ឋមន្រ្តីបញ្ជាក់ថា មានលោកឧបនាយករដ្ឋមន្រ្តី ស ខេង លោកឧបនាយករដ្ឋមន្រ្តី សុខ អាន និងលោក សាយ ឈុំ។
ដោយឡែកចំពោះលទ្ធផលនៃការបោះឆ្នោតជ្រើសតាំងតំណាងរាស្រ្តកាលពីថ្ងៃអាទិត្យ ទី២៨ ខែកក្កដា វិញ សម្តេចនាយករដ្ឋមន្រ្តីបានមានប្រសាសន៍ថា អ្នកណាឈ្នះ ឬអ្នកណាចាញ់ គឺមិនសំខាន់នោះទេ តែអ្វីដែលសំខាន់ គឺកុំឲ្យជាតិបែកបាក់គ្នា៕
ប្រភពពី Free Press Magazine
Read more: http://www.cambodiapage.info/kh
0 comments:
Post a Comment