បន្ទាយមានជ័យ៖ នៅពេលដែលក្រុមហ៊ុនកំពុងតែស្ថាបនាផ្លូវជាតិលេខ៥៦ ដែលមានប្រវែង១១៣គីឡូម៉ែត្រ ពីក្រុងសិរីសោភ័ណទីរួមខេត្តបន្ទាយមានជ័យ ឆ្ពោះទៅក្រុងសំរោងខេត្តឧត្តរមានជ័យដើម្បីក្លាយទៅជាផ្លូវកៅស៊ូល្អស្អាតនាពេលអនាគតនោះ បច្ចុប្បន្ន បានផ្ដើមឲ្យមានការអ៊ូរទាំ ពីសំណាក់ប្រជាពលរដ្ឋ ក៏ដូចជាក្រុមអ្នករត់តាក់ស៊ី ពីភាពប៉ប៉េច ប៉ប៉ាច់ និងកន្លែងខ្លះ លេចទឹកពិបាកធ្វើដំណើរ ។
តាមការឲ្យដឹងពីប្រជាពលរដ្ឋដែលរស់នៅសងខាងផ្លូវ ក៏ដូចជាក្រុមតៃកុងតាក់ស៊ីព្រមទាំងអ្នកធ្វើដំណើរដទៃទៀតថា ផ្លូវជាតិលេខ៥៦ថ្វីត្បិតតែកំពុងស្ថាបនា ឲ្យក្លាយទៅជាផ្លូវកៅស៊ូជំនួសផ្លូវចាស់ដែលជាផ្លូវដីជង្ហុកធំៗ ប៉ុន្មានថ្ងៃនេះមានភ្លៀងធ្លាក់ជោកជាំ ហាក់បានបន្ថែមការលំបាកមួយកម្រិតទៀត ពិសេសអ្នកធ្វើដំណើរតាមទោចក្រយានយន្ត គឺរអិលដួលបណ្ដាលឲ្យមានគ្រោះថ្នាក់ និងខូចខាតសម្ភារៈ។
តាមការឲ្យដឹងពីប្រជាពលរដ្ឋដែលរស់នៅសងខាងផ្លូវ ក៏ដូចជាក្រុមតៃកុងតាក់ស៊ីព្រមទាំងអ្នកធ្វើដំណើរដទៃទៀតថា ផ្លូវជាតិលេខ៥៦ថ្វីត្បិតតែកំពុងស្ថាបនា ឲ្យក្លាយទៅជាផ្លូវកៅស៊ូជំនួសផ្លូវចាស់ដែលជាផ្លូវដីជង្ហុកធំៗ ប៉ុន្មានថ្ងៃនេះមានភ្លៀងធ្លាក់ជោកជាំ ហាក់បានបន្ថែមការលំបាកមួយកម្រិតទៀត ពិសេសអ្នកធ្វើដំណើរតាមទោចក្រយានយន្ត គឺរអិលដួលបណ្ដាលឲ្យមានគ្រោះថ្នាក់ និងខូចខាតសម្ភារៈ។
ផ្លូវជាតិលេខ៥៦នេះ ត្រូវបានបើកការដ្ឋានស្ថាបនាឡើងវិញកាលពីថ្ងៃទី២៧ មិថុនា ២០១២ ក្រោមអធិបតីភាពដ៏ខ្ពង់ខ្ពស់សម្ដេចតេជោ ហ៊ុន សែន ហើយផ្លូវនេះទទួលស្ថាបនាដោយក្រុមហ៊ុន២ ក្នុងនោះក្រុមហ៊ុនទី១ឈ្មោះ ក្រុមហ៊ុនតាន់គឹមអេងសហការជាមួយក្រុមហ៊ុនថៃBCDC លើប្រវែងផ្លូវ២៩គីឡូម៉ែត្រ ពីចំណុចភ្លើងស្តុបក្រុងសិរីសោភ័ណ ដល់ស្រុកស្វាយចេក ចំណែកក្រុមហ៊ុនទី២ គឺក្រុមហ៊ុន គឹមហ៊ូ ស្ថាបនាបន្តរហូតដល់ក្រុងសំរោង។
ប៉ុន្តែយ៉ាងណាក៏ដោយលោក សំអន ជាអ្នកសម្របសម្រួលគម្រោងផ្លូវខាងលើបានឲ្យដឹងថា ដោយរដូវនេះជារដូវភ្លៀងធ្លាក់ វាធ្វើឲ្យពិបាកក្នុងការស្ថាបនា និងការធ្វើដំណើររបស់ពលរដ្ឋ ព្រោះតំបន់នេះជាតំបន់ដីស្អិតតែក្រោយពេលភ្លៀង ផ្លូវនេះនឹងស្ងួតក្រុមហ៊ុន នឹងឈូសឆាយសំរួលការធ្វើដំណើរឡើងវិញ។
ប៉ុន្តែយ៉ាងណាក៏ដោយលោក សំអន ជាអ្នកសម្របសម្រួលគម្រោងផ្លូវខាងលើបានឲ្យដឹងថា ដោយរដូវនេះជារដូវភ្លៀងធ្លាក់ វាធ្វើឲ្យពិបាកក្នុងការស្ថាបនា និងការធ្វើដំណើររបស់ពលរដ្ឋ ព្រោះតំបន់នេះជាតំបន់ដីស្អិតតែក្រោយពេលភ្លៀង ផ្លូវនេះនឹងស្ងួតក្រុមហ៊ុន នឹងឈូសឆាយសំរួលការធ្វើដំណើរឡើងវិញ។
ចំពោះការរអ៊ូរទាំរបស់ប្រជាពលរដ្ឋលោកក៏បានបញ្ជាក់ដែរថា លោកក៏បានទទួលពាក្យបណ្ដឹងជាច្រើនផងដែរ តែមិនដឹងធ្វើយ៉ាងណាព្រោះថា ក្រុមហ៊ុនកំពុងតែបន្តការស្ថាបនាមិនបានឈប់ ឬក៏ព្រងើយកន្តើយនោះទេ។
តាមការគ្រោងទុកផ្លូវនេះ នឹងរួចនៅរយៈពេល២ឆ្នាំក្រោយ។ ចំពោះបញ្ហាលំបាកនេះសម្ដេចតេជោ ហ៊ុន សែន ក្នុងឱកាសបើកការដ្ឋានស្ថាបនាផ្លូវនេះ សម្ដេចបានសំណូមពរដល់ប្រជាពលរដ្ឋដែលរស់នៅសងខាងផ្លូវ ក៏ដូចជាអ្នកធ្វើដំណើរទាំងអស់មេត្តាយោកយល់ ៕
ប្រភពពី ann
0 comments:
Post a Comment