អង្គការតម្លារភាពកម្ពុជា ហៅជាភាសាអង់គ្លេសថា Transparency International Cambodia បានធ្វើសន្និសិទសារព៌មានមួយនៅថ្ងៃទី២៩ ខែកក្កដានេះ ដើម្បីបង្ហាញពីរបាយការណ៍នៃការអង្គេតការណ៍ការបោះឆ្នោតដែលមានមូលដ្ឋានផ្អែកលើសំណាកទៅលើការបោះឆ្នោត និងការរាប់សន្លឹកឆ្នោតដែលបានប្រព្រឹត្តធ្វើឡើង កាលថ្ងៃទី២៨ ខែកក្កដា ឆ្នាំ២០១៣។
នៅក្នុងរបាយការណនៃកាអង្គេតការបោះឆ្នោតរបស់អង្គការតម្លាភាពកម្ពុជាបានរកឃើញថា មានភាពមិនប្រក្រតីជាច្រើនបានកើតឡើងដូចជា: នៅតាមការិយាល័យបោះឆ្នោតចំនួន៦០% ប្រជាពលរដ្ឋដែលមានឯកសារអន្តសញ្ញាណត្រឹមត្រូវមិនអាមរកឈ្មោះរបស់ពួកគេឃើញនៅក្នុងបញ្ជីឈ្មោះបោះឆ្នោត។
ចំនុចនេះក៏មានគំហើញពីការត្រួតពិនិត្យឯករាជ្យ ដែលបង្ហាញថា មានប្រជាពលរដ្ឋដែលមានសិទ្ធិបោះឆ្នោតចំនួនជិត១១% ដែលឈ្មោះរបស់ពួកគេត្រូវបានចុះនៅក្នុងបញ្ជីឈ្មោះអ្នកបោះឆ្នោត ប៉ុន្តែបែជាពុំមានឈ្មោះនៅក្នុងបញ្ជីឈ្មោះបោះឆ្នោតទៅវិញ។
ឧបទ្ទវហេតុសំខាន់ៗ ក៏បានបង្ហាញឱ្យដឹងដែរថា មានអ្នកបោះឆ្នោតបង្ហាញខ្លួន ហើយឃើញថាឈ្មោះរបស់ពួកគេត្រូវបានបោះឆ្នោតជំនួសរួចទៅហើយ។ ដោយឡែកនៅតាមការិយាល័យបោះឆ្នោតចំនួន២៦% មានប្រជាពលរដ្ឋត្រូវបានអនុញ្ញាតឲ្យបោះឆ្នោតដោយពុំមានឯកសារអន្តសញ្ញាណ។
ចំនុចនេះផ្ទុយទៅនឹងច្បាប់ស្តីពីការបោះឆ្នោត ហើយជាពិសេសគឺទាក់ទងទៅនឹងចំនួនឈ្មោះដែលលើសនៅក្នុងបញ្ជីឈ្មោះអ្នកបោះឆ្នោត និងមានឈ្មោះស្ទួនគ្នាចំនួនជាងកន្លះលាននាក់ ដែលត្រូវបានរកឃើញដោយប្រភពឯករាជ្យ។
មួយវិញទៀត ការបោះឆ្នោតដោយប្រើប្រាស់ប័ណ្ណពត៌មានអ្នកបោះឆ្នោតត្រូវបានអនុវត្តយ៉ាងទូលំទូលាយដោយ៩៣% នៃការិយាល័យបោះឆ្នោតបានប្រើប្រាស់ប័ណ្ណព័ត៌មានអ្នកបោះឆ្នោត ដើម្បីអនុញ្ញាតឲ្យបោះឆ្នោត។
របាយការណ៍បង្ហាញទៀតថា នៅតាមការិយាល័យបោះឆ្នោតចំនួន១១% លទ្ធផលនៃការបោះឆ្នោតមិនត្រូវបានផ្សព្វផ្សាយ ក្រោយការរាប់សន្លឹកឆ្នោត ដែលចំនុចនេះផ្ទុយពីបទបញ្ជាដែលបានកំណត់ និងធ្វើឲ្យមានការលំបាក់ក្នុងការបញ្ជាក់អំពីសុក្រឹត្យភាពនៃលទ្ធផលដែលបានប្រកាស។
ប្រធានអង្គការតម្លាភាពកម្ពុជា លោកព្រាប កុល បានថ្លែងថា អង្គការរបស់លោកមានការយកចិត្តទុកដាក់យ៉ាងខ្លាំងចំពោះការបាត់បង់សិទ្ធបោះឆ្នោតរបស់ប្រជាពលរដ្ឋ។ ការបាត់បង់សិទ្ធិបោះឆ្នោតអាស្រ័យដោយប្រជាពលរដ្ឋមិនអាចបោះឆ្នោតបាន ហើយការបោះឆ្នោតខុសច្បាប់ត្រូវបានអនុញ្ញាត។
សំលេងៈ
អង្គការតម្លាភាពកម្ពុជា បានសម្តែងការសោកស្តាយយ៉ាងខ្លាំងចំពោះភាពអសកម្មទាំងស្រុងរបស់គណៈកម្មាធិការជាតិរៀបចំការបោះឆ្នោតក្នុងការដោះស្រាយបញ្ហាកង្វល់ទាំងនេះ។
លើសពីនេះទៅទៀត គជប បានមានភាពសកម្មក្នុងការរារាំងប្រជាពលរដ្ឋពីការទទូលបានពត៌មាន អំពីស្ថានភាពបោះឆ្នោតរបស់ពួកគេ ដើម្បីកាត់បន្ថយការភាន់ច្រឡំដោយហាមឃាត់គណៈបក្សនានាមិនឲ្យយកបញ្ជីឈ្មោះតាមខ្លួន និងបិទការផ្សព្វផ្សាយមូលដ្ឋានទិន្នន័យ ចំពោះសាធារណជនមុនពេលកំណត់៕(ដោយៈថា ថៃ)
ប្រភពពី វាយោ
0 comments:
Post a Comment