សម្រាប់ការបោះឆ្នោតនាអាណត្តិមុនៗកន្លងទៅនោះ ការចេញធ្វើយុទ្ធនាការឃោសនារបស់គណបក្សនយោបាយមួយចំនួនត្រូវបានគេមើលឃើញថា មានការចូលរួមពីសំណាក់ក្រុមអនីតិជន ឬជនស្ថិតក្រោមអាយុ១៨ឆ្នាំ ដែលភាគច្រើនជាក្មេងៗតែម្ដង។ ជាការកត់សំគាល់ការបោះឆ្នោតអាណត្តិទី៥នេះ អនីតិជននៅតែមានវត្តមានចូលរួមធ្វើយុទ្ធនាការឃោសនាជាមួយបក្សនយោបាយទៀត ។
តើការដែលគណបក្សនយោបាយសម្រេចចិត្តឲ្យក្រុមអនីតិជន ឬក្មេងៗមិនទាន់គ្រប់អាយុ១៨ឆ្នាំនោះចូលរួមក្នុងយុទ្ធនាការឃោសនារកសំឡេងឆ្នោតរបស់ពួកគេ អាចបង្ករឲ្យមានផលវិបាកអ្វីខ្លះសម្រាប់ដំណើរការរៀបចំការបោះឆ្នោតរបស់ គណៈកម្មាធិការជាតិរៀបចំការបោះឆ្នោត គ.ជ.ប?
ថ្លែងក្នុងកិច្ចប្រជុំមួយដែលបានរៀបចំឡើងដោយ គ.ជ.ប នៅទីស្នាក់ការរបស់ខ្លួននាព្រឹកថ្ងៃទី៤ ខែកក្កដានេះ លោក ទេព នីថា អគ្គលេខាធិការ គ.ជ.ប មានប្រសាសន៍ថា កាលបោះឆ្នោតកន្លងទៅ រាប់តាំពីឆ្នាំ២០០៨នាអាណត្តិទី៤នោះមក គ.ជ.ប ក៏បានសង្កេតឃើញដែរថា មានគណបក្សនយោបាយមួយចំនួនបានអនុញ្ញាតឲ្យអនីតិជន ដែលជាក្មេងតូចៗអាយុក្រោម១៨ឆ្នាំចេញធ្វើសកម្មភាពក្នុងយុទ្ធនាការឃោសនានោះដែរ ហើយថា សកម្មភាពបែបនេះមិនមែនជាការល្អប្រសើរនោះទេសម្រាប់ដំណើរការរៀបចំការបោះឆ្នោតរបស់ គ.ជ.ប។
ថ្លែងក្នុងកិច្ចប្រជុំមួយដែលបានរៀបចំឡើងដោយ គ.ជ.ប នៅទីស្នាក់ការរបស់ខ្លួននាព្រឹកថ្ងៃទី៤ ខែកក្កដានេះ លោក ទេព នីថា អគ្គលេខាធិការ គ.ជ.ប មានប្រសាសន៍ថា កាលបោះឆ្នោតកន្លងទៅ រាប់តាំពីឆ្នាំ២០០៨នាអាណត្តិទី៤នោះមក គ.ជ.ប ក៏បានសង្កេតឃើញដែរថា មានគណបក្សនយោបាយមួយចំនួនបានអនុញ្ញាតឲ្យអនីតិជន ដែលជាក្មេងតូចៗអាយុក្រោម១៨ឆ្នាំចេញធ្វើសកម្មភាពក្នុងយុទ្ធនាការឃោសនានោះដែរ ហើយថា សកម្មភាពបែបនេះមិនមែនជាការល្អប្រសើរនោះទេសម្រាប់ដំណើរការរៀបចំការបោះឆ្នោតរបស់ គ.ជ.ប។
បើតាមលោកអគ្គលេខាធិការ គ.ជ.ប សកម្មភាពខាងលើនេះ វាជាការរួមចំណែកផ្ដល់នូវផលវិបាកមួយដែលជាបញ្ហារំខានដល់ដំណើរការរៀបចំការបោះឆ្នោតរបស់ គ.ជ.ប ព្រោះក្មេងៗពួគេមិនសូវជាដឹងខុសត្រូវអ្វីច្រើនដូចមនុស្សចាស់នោះទេ ដូច្នេះការលំបាកនោះនឹងអាចកើតមានឡើងគ្រប់ពេលនៅពេលដែលពួកគេធ្វើសកម្មភាពមិនល្អផ្សេងក្នុងការឃោសនានោះ ដែលអាចបង្ករឲ្យទៅជាភាពគ្មានសណ្ដាប់ធ្នាប់ ភាពងាយគ្រោះថ្នាក់តាមរយៈហានីភ័យផ្សេងនៅពេលឃោសនាដូចជាពេលជិះមូតូ ជិះឡាន ជាដើម ដូច្នេះវានឹងប្រែក្លាយការធ្វើឃោសនានេះបង្កនូវភាពអសន្តិសុខបាន និងមហន្តរាយ។
ដើម្បីបញ្ជៀសនូវបញ្ហាខាងលើនេះ លោក ទេព នីថា ក្នុងនាមស្ថាប័ន គ.ជ.ប បានចេញមុខអំពាវនាវដលគ្រប់បណ្ដាគណបក្សនយោបាយទាំងអស់គួរតែយកចិត្តទុកដាក់ក្នុងបញ្ហានេះ ដើម្បីធ្វើយ៉ាងណាឲ្យការរៀបចំការបោះឆ្នោតជ្រើសតាំងតំណាងរាស្ត្រអាណត្តិទីប្រាំនេះ ប្រព្រឹត្តទៅមានភាពល្អប្រសើ អាចទទួលយកបានទាំងគណបក្សនយោបាយ និង គ.ជ.ប ៕
ប្រភពពី ថ្មីៗ
